खापर l प्रतिनिधी
दैनंदिन कामकाजासाठी खापर गावात येणाऱ्या ग्रामस्थांना पिण्याच्या पाण्याची सोय व्हावी यासाठी महाराष्ट्र पत्रकार संघाच्या अक्कलकुवा तालुका शाखेच्या वतीने खापर येथे पाणपोई लावण्यात आली अक्कलकुव्याचे पोलीस निरीक्षक इसामोद्दीन पठाण यांच्या हस्ते पाणपोईचे उदघाटन संपन्न झाले.
सध्या सर्वत्र नागरिकांना मोठया प्रमाणावर उन्हाची तीव्रता जाणवत आहे, खापर परिसरातील शेकडो नागरिक दररोज खापर गावात आपल्या दैनंदिन कामकाजा करीता येत असतात त्यांना ही उन्हाची तीव्रता जाणवते, उन्हा तान्हात फिरत असतांना जीवाची लाही लाही होऊन घसा कोरडा पडतो.अशा वेळी साहजिकच प्रत्येकाला थंड पाणी मिळण्याची आस असते.पण प्रत्येक गरीब लाचार नागरिकांस थंड पाण्याची बाटली विकत घेऊन ते पिणे शक्य नाही त्यामुळे नागरिकांची ही गरज लक्षात घेऊन सामाजिक जाणिवेतून महाराष्ट्र पत्रकार संघाच्या वतीने उन्हाळ्याच्या मर्यादीत दिवसां साठी एक छोटेखानी पाणपोई खापर येथे लावण्यात आली. पाणपोईचे उदघाटन पोलीस निरीक्षक इसामोद्दीन पठाण यांच्या हस्ते पार पडले यावेळी प्रमुख पाहुणे म्हणुन महाराष्ट्र पत्रकार संघाचे जिल्हाध्यक्ष सुधीरकुमार ब्राम्हणे, जिल्हा संपर्क प्रमुख अरुणकुमार मोरे, गावाचे उपसरपंच विनोद कामे,देवा वसावे,इरा इंटरनॅशनल स्कुलचे चेअरमन योगेश सोनार,अजय पटेल व चंद्रकांत चव्हाण,योगेश चौधरी,धनराज पावर,असलम बलोच, ताहीर बलोच, तुषार मराठे,योगेश पवार आदी उपस्थित होते.नागरिकांच्या पिण्याच्या पाण्यासाठी पाणपोई लावण्याकरिता महाराष्ट्र पत्रकार संघाचे अक्कलकुवा तालुकाध्यक्ष मिलिंद गुलाले,कार्याध्यक्ष मनोज चौधरी,उपाध्यक्ष महावीर जैन,सचिव प्रशांत मराठे, अल्ताफ मल्कानी,जगदीश खोंडे,हेमंत परदेशी, शिवमकुमार मोरे, आदींनी पुढाकार घेत परिश्रम घेतले.
खापर मोठ्या बाजारपेठचे गाव आहे,येथे विविध कामांसाठी जवळपासच्या गाव-पाड्यावरून लोक येत असतात.त्यांसाठी पाणपोई उपयुक्त असा उपक्रम ठरणार आहे.अक्कलकुवा तालुक्यातील महाराष्ट्र पत्रकार संघाच्या तर्फे खापर चार रस्त्यावर पाणपोई लावण्याची संकल्पना खरोखरच कौतुकास्पद आहे.इतरांनीही त्याच्या आदर्श घ्यावा.
आय.एन.पठाण
पोलीस निरीक्षक अक्कलकुवा