म्हसावद l प्रतिनिधी
परीसरातील स्त्रियांवर होणारे मानसिक मानसिक अत्याचार,अंधश्रद्धा, व डाकीण म्हणून हिणवल्या जाणाऱ्या स्रियांना न्याय मिळवून देण्यासाठी नेहमीच अग्रेसर असलेल्या महाराष्ट्रातील अनिस संघटनेची कार्यकारणी सभा मोलगी ता.अक्कलकुवा येथील ईरा स्कुल येथे पार पडली.
महाराष्ट्र अंधश्रद्धा निर्मूलन समितीच्या कार्यकारणी बैठकीत बैठकीचे प्रमुख पाहुणे महाराष्ट्र राज्याचे अनिसचे उपाध्यक्ष विनायक साळवे,हे उपस्थित व किर्तीवर्धन तायढे यांच्या उपस्थित झाली. यावेळी विनायक साळवे यांनी अनिस संघटनेची पार्श्वभूमी व कार्यकारणी बद्दल सविस्तर माहिती देवुन त्यांचे मनोगत व्यक्त केले.
यावेळी अनिसच्या कार्यकारणीच्या विचार मंचावर अक्कलकुवा तालुक्याचे अनिसच्या कार्याध्यक्षा,समित्रा वसावे अंनिसचे नवनियुक्त मोलगी परिसराचे अध्यक्ष रायसिंग पाडवी,अनिसच्या कार्याध्यक्ष शितल वसावे, अनिसचे प्रधान सचिव ब्रिजलाल पाडवी,अनिसचे कायदे विषयक सल्लागार ॲड. गजमल वसावे,अनिसचे युवा विभाग कार्यवाह पाशा वसावे,अनिसचे सांस्कृतिक अभिव्यक्ति विभाग कार्यवाह देवजी वसावे आदि उपस्थित होते. पदाधिकारी निवड ही या बैठकीत उपस्थित असलेल्या कार्यकर्त्यांमधून करण्यात आली.
महाराष्ट्र अंधश्रद्धा निर्मूलन समिती अनिसची मोलगी शाखा कार्यकारणी सभेचे आभार प्रदर्शन रायसिंग पाडवी प्राथमिक शिक्षक यांनी मानले.
