नंदुरबार l प्रतिनिधी
तालुक्यातील भालेर विविध कार्यकारी सेवा सहकारी संस्थेची पंचवार्षिक निवडणूक बिनविरोध झाली आहे.५ मतदार संघातील १३ उमेदवार बिनविरोध झाल्याने त्यांच्या सत्कार शिवसेनेचे नेते तथा माजी आ. चंद्रकांत रघुवंशी यांच्या हस्ते करण्यात आला.
नंदुरबार जिल्ह्यात विविध कार्यकारी सेवा सहकारी संस्थांच्या निवडणुकीची रणधुमाळी सुरू आहे. अनेक ठिकाणी सामंजस्याने तडजोडीअंती निवडणुका बिनविरोध करण्यासाठी उमेदवार प्राधान्य देत आहेत. भालेर ता. नंदुरबार येथील विविध कार्यकारी सेवा सहकारी संस्थेत १३ पैकी जागांसाठी निवडणूक होत असून, उमेदवारी अर्ज दाखल करण्याच्या शेवटच्या दिवशी प्रतिस्पर्धी उमेदवारांनी अर्ज दाखल केल्याने सर्व उमेदवार बिनविरोध निवडून आले.
सर्वसाधारण खाते कर्जदार गटातून दिनेश विक्रम पाटील, संतोष पांडुरंग पाटील, बापू तुळशीराम पाटील,पोपट दयाराम पाटील, प्रकाश पंडित पाटील, दिलीप नथ्थु पाटील, शशिकांत चैत्राम पाटील, हिम्मत धनराज पाटील, अनुसूचित जाती जमाती गटातून लोटन श्रावण पिंपळे, महिला राखीव गटातून चंदन शिवाजी पाटील, मुक्ता माधवराव पाटील, इतर मागासवर्गीय गटातून हिम्मत पुना पाटील, भटक्या विमुक्त जाती जमाती गटातून संजय ब्रिजलाल धनगर बिनविरोध निवडून आले आहेत.
बिनविरोध निवडून आलेल्या उमेदवारांच्या सत्कार माजी आ. चंद्रकांत रघुवंशी यांच्या हस्ते करण्यात आला. या प्रसंगी नंदुरबार तालुका विधायक समितीचे सरचिटणीस यशवंत पाटील,शिवसेनेचे उपजिल्हाप्रमुख रवींद्र गिरासे, भालेरचे उपसरपंच गजानन पाटील,जे.टी पाटील, युवराज पाटील आदी उपस्थित होते.