नवापूर l प्रतिनिधी
गुजराथ राज्यातुन महाराष्ट्र हद्दीतील धडधडया ते तीनटेबा रेल्वे गेट जवळ नवापूर पोलिसांनी धाड टाकत अवैध गुटख्यासह २ लाख ९० हजाराचा मुद्देमाल जप्त करीत एकास अटक केली आहे.
याबाबत पोलीस सूत्रांनी दिलेल्या माहितीनुसार, नवापूर पोलिस निरीक्षक बाळासाहेब भापकर यांच्या गुप्त माहिती मिळाल्याने त्यांनी पथकासह गुजराथ राज्यातुन महाराष्ट्र हद्दीतील धडधडया ते तीनटेबा रेल्वे गेट गाठले त्या ठिकाणी सफेद रंगाची मारुती ओमनी येत असतांना त्यावर सापळा रचुन त्या गाडीची तपासनी केले असता त्या गाडीतुन विमल पान मसाला आढळुन आल्याने व गाडीचा चालकाने उडवा उडवीचे उत्तर दिल्याने त्याला वाहना सह पोलिस स्टेशन येथे आणुन कार्यवाही करण्यात येत आहे.
सादर ओमनी मारुती(जी जे.15, ए. डी.0730) वाहनाची तपासणी केली असता विमल पान मसाला गुटका चे ५ पोती,वी- १ तंबाखु ची ५ पोती असा १ लाख ५० हजाराचा माल व मारुती ओमनी वाहनाची किमत १ लाख ४० हजार असा एकुन २ लाख ९० हजाराचा माल पोलिसानी जप्त केला यात वाहन चालक जयराम आऊजा वय २४ रा शास्त्री नगर, नवापूर याला पोलिसानी ताब्यात घेतले आहे.या घटनेचा पुढील तपास पोलिस निरीक्षक बाळासाहेब भापकर करीत आहे.ही कार्यवाही पोलिस निरीक्षक बाळासाहेब भापकर यांच्या मार्गदर्शनाखाली पो हे का पंकज सुर्यवंशी,विकी वाघ,नरेंद्र नाईक,होमगार्ड विकास कोकणी,संजय सोनार यांनी केली आहे.
