खापर l प्रतिनिधी
अक्कलकुवा तालुक्यातील खापर येथे सर्वपक्षीय ग्रुप, संघटना व गावकर्याच्या वतीने श्रीराम नवमी सार्वजनिक मिरवणूक उत्साहात साजरा करण्यात आला
खापर येथे दरवर्षी शिवजयंती, श्रीरामनवमी, हनुमान जयंती तसेच विविध जयंती उत्सव राजकीय पक्ष,ग्रुप,संघटना,गावकरी यांच्या वतीने मोठ्या उत्साहाने साजरा करण्यात येत असते परंतु गावातील सामाजिक ऐक्याच्या दृष्टीने व सर्वांच्या सहमतीने या वर्षी येणाऱ्या विविध जयंती उत्सव सार्वजनिक रीत्या साजरा करण्याचे सर्वपक्षीय पदाधिकारी व गावकऱ्यांनी ठरवले होते.
या अनुषंगाने सन २०२२ च्या शिवजयंती उत्सवा नंतर येथील श्रीराम नवमी उत्सव हा दुसरा सार्वजनिक मिरवणूक उत्सव उत्साहाने पार पडला.यासाठी खापर येथील श्रीराम ग्रुप,आर्यन ग्रुप, अष्टविनायक ग्रुप,बाप्पा ग्रुप,भगवा ग्रुप यांनी कार्यक्रमासाठी परिश्रम घेतले तर सर्वपक्षीय पदाधिकारी व समाजसेवकांनी मार्गदर्शन केले होते.
कार्यक्रमात आयोजकांनी कार्यक्रमाला कुठेही गालबोट लागणार नाही याची पूर्णपणे दक्षता घेण्यात आली होती त्यासाठी पोलीस विभागाला देखील आयोजकांकडून उचित ते सहकार्य करण्यात आले होते ज्यामुळे सार्वजनिक रित्या झालेला कार्यक्रम ऐतिहासिक ठरला त्याचे कौतुक पोलीस प्रशासनाकडून देखील करण्यात आले.