नंदुरबार l प्रतिनिधी
नंदूरबार तालुक्यातील धुळवद येथून अल्पवयीन मुलीचे अपहरण केल्याप्रकरणी संशयिताविरुद्ध उपनगर पोलीस ठाण्यात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील धुळवद येथील १७ वर्षीय अल्पवयीन मुलीस संदिप लक्ष्मण ठाकरे रा.धुळवद ता.नंदुरबार याने अज्ञात कारणासाठी कायदेशीर रखवालीतून पळवून नेले. याबाबत मुलीच्या वडीलांनी नंदुरबार तालुका पोलिस ठाण्यात दिलेल्या फिर्यादीवरुन संशयित संदिप ठाकरे याच्याविरुद्ध भादंवि कलम ३६३ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक यादव भदाणे करीत आहेत.