शिरसाणी येथे दोघांना मारहाण प्रकरणी चौघांविरुद्ध गुन्हा दाखल

नंदुरबार l प्रतिनिधी
धडगाव तालुक्यातील शिरसाणी येथे शेतात गुरे शिरल्याने टोमॅटोचे नुकसान केल्याचे सांगितल्याच्या कारणावरुन दोघांना मारहाण केल्याप्रकरणी चौघांविरुद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, धडगाव तालुक्यातील शिरसाणी येथील किसन रामा पाडवी यांनी कागदा माद्या पाडवी यांच्या मालकीचे गुरे शेतात शिरुन टोमॅटोचे नुकसान केल्याचे सांगितले. याचा राग आल्याने किसन पाडवी यांना कागदा माद्या पाडवी, विरसिंग कागडा पाडवी, दिलवरसिंग कागदा पाडवी, व निर्मला वेरना पाडवी सर्व रा.शिरसाणी ता.धडगाव यांनी लाकडी बांबूने हातापायावर मारहाण केली. सदर भांडण सोडविण्यासाठी गेलेल्या साक्षीदारास देखील हाताबुक्यांनी मारहाण केली. तसेच शिवीगाळ करीत जिवेठार मारण्याची धमकी दिली. याबाबत किसन पाडवी यांच्या फिर्यादीवरुन धडगाव पोलिस ठाण्यात चौघांविरुद्ध भादंवि कलम ३२४, ३२३, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास पोना.दीपक वारुळे करीत आहेत.