नंदुरबार ! प्रतिनिधी
एकात्मिक बालविकास सेवा योजना प्रकल्प अक्कलकुवा अंतर्गत अंगणवाडी सेविका व अंगणवाडी मदतनीस या मानधनी पदासाठी रिक्त असलेल्या जागासाठी संबंधित महसुली गावातील इच्छुक व पात्र महिला उमेदवारांकडून 4 ऑगस्ट 2021 पर्यंत अर्ज मागविण्यात आले आहेत.
एकात्मिक बालविकास सेवा योजना अक्कलकुवा प्रकल्पातंर्गत सिंगपुर बु. अंगणवाडी केंद्रातील अंगणवाडी सेविका रिक्त पदासाठी आणि नवलपूर, मिठ्याफळी-1 व मोगरा अंगणवाडी केंद्रातील मदतनीसाच्या रिक्तपदासाठी अर्ज मागविण्यात येत आहे.
अंगणवाडी सेविका व मदतनीस या मानधनी पदासाठी केवळ त्या गावातील रहिवासी असणे आवश्यक आहे. विहीत नमुन्यातील अर्ज व शैक्षणिक पात्रता व इतर माहितीसाठी बालविकास प्रकल्प अधिकारी, एकात्मिक बालविकास सेवा योजना प्रकल्प, अक्कलकुवा पंचायत समिती ता.अक्कलकुवा येथे संपर्क साधावा.
