नंदुरबार | प्रतिनिधी
येथील जिल्हाधिकारी डॉ. राजेंद्र भारूड यांची पुणे येथील आदिवासी संशोधन व प्रशिक्षण संस्थेच्या आयुक्तपदी नियुक्ती झाली असून त्यांच्या जागी जिल्हाधिकारी म्हणून मनीषा खत्री यांची नियुक्ती करण्यात आली आहे.
२०१३ च्या बॅचचे आय.ए.एस.अधिकारी असलेले डॉ. भारुड हे गेल्या दोन वर्षापासून नंदुरबार जिल्हाधिकारी म्हणून कार्यरत होते. त्यांची पुणे येथील आदिवासी संशोधन व प्रशिक्षण संस्थेच्या आयुक्तपदी बदली झाली आहे. त्यांच्या जागी नागपूर येथील आदिवासी विकास विभागाचा अरीरिक्त आयुक्त श्रीमती मनीषा खत्री यांची नियुक्ती करण्यात आली आहे. श्रीमती खत्री या २०१४ च्या बॅचच्या आय.ए.एस. अधिकारी आहेत. लवकरच त्या आपल्या पदाचा कार्यभार सांभाळतील.
