अक्कलकुवा l प्रतिनिधी:
तालुक्यातील ओहवाकुवाहून प्रवासी बसवून खापरकडे जात असतांना चढउताराच्या रस्त्यावर ब्रेक फेल झाल्याने वाहनचालकाचा वाहनावरील ताबा सुटल्याने पिकअप थेट 60 ते 70 फुट खोल दरीत कोसळली या अपघातात एक ठार तर 12 जण जखमी झाल्याची घटना घडली आहे.
अक्कलकुवा तालुक्यातील अतिदुर्गम भागातील ओहवाकुवा येथील गमेरसिंग भांगा वसावे यांच्या मालकीची (एम.एच.39 सी.9580 ) बोलेरो पिकअप वाहनात ओहवाकुवा हून प्रवासी बसवून खापरकडे जात असतांना अचानक रस्ता चढउताराच्या असल्यामुळे व ब्रेक फेल झाल्याने पिकअप वरील ताबा सुटल्याने पिकअप थेट 60 ते 70 फुट खोल दरीत कोसळली आहे. यात पारशी हुण्या वसावे (वय 40) रा. ओहवाकुवा यांचा जागीच मृत्यू झाला, असून बारा जण गंभीर जखमी झाले आहेत. दरम्यान ही घटना सोमवारी सकाळी 9:30 सुमारास घडली.
या अपघातात मोगरी कोडवा वसावे (ओहवाकुवा), शर्मिला तिज्या पाडवी (ओहवाकुवा), टिडबी आमश्या पाडवी (ओहवाकुवा), गणेश सोमा वसावे (ओहवाकुवा), रशिला चमार्या वसावे (ओहवाकुवा), शकीला चंपा वसावे ) , गुजर्या चांद्या वसावे (ओहवाकुवा), शिवाजी जेगला वसावे हे गंभीर जखमी झाल्याने त्यांना अक्कलकुवा ग्रामीण रुग्णालयात पुढील उपचारासाठी १०८ रुग्णवाहिकाद्वारे नेण्यात आले. त्यानंतर पुढील उपचारासाठी जिल्हा रुग्णालय नंदुरबार येथे हलविण्यात आले. अपघात स्थळी अक्कलकुवा पोलीस ठाण्यातील अधिकारी व कर्मचारी दाखल झाले होते.
