नवापुर ! प्रतिनिधी
तालुक्यातील धुळीपाडा येथे बळीराजा बचत गटामार्फत शेतकरी बांधवांसाठी सोयाबीन बियाणे वाटपाचा कार्यक्रम आयोजित करण्यात आला होता. बियाणे वाटप कार्यक्रमासाठी नंदुरबार जि.प.चे माजी अध्यक्ष तथा विद्यमान सदस्य मा.शभरतभाऊ गावित यांना आमंत्रित करून त्यांच्या हस्ते 70 शेतकरी बांधवांना सोयाबीन बियाणे पिशव्या वाटप करण्यात आल्या.
यावेळी धुळीपाडा ग्रामपंचायत चे माजी सरपंच प्रकाश गावित,विद्यमान सरपंच अमेश गावित, गणेश गावित,बाळू गावित,सुका गावित,जसो गावित,शैलेश गावित,काशीराम गावित,अमोल देसाई,राहुल गावित,आमीन गावित,राजु गावीत आदी, ग्रामस्थ व शेतकरी बांधव मोठ्या संख्येने उपस्थित होते.
या कार्यक्रमास आमंत्रित केल्याबद्दल बळीराजा बचत गट व ग्रामस्थांचे आभार मानत भरत गावित यांनी शेती विषयक उपयुक्त माहिती शेतकरी बांधवांना दिली.
