नंदुरबार l प्रतिनिधी
नंदुरबार वाका चार रस्त्यादरम्यान वैश्याव्यवसाय चालविणाऱ्या हॉटेलवर पोलीसांची रेड टाकत हॉटेल मालकासह चौघांना अटक केली आहे.
उपनगर पोलीस ठाणे हद्दीतील नंदुरबार ते वाकाचार रस्त्यादरम्यान असलेल्या हॉटेल हायवे येथे दोन ते तीन इसम काही महिलांसोबत संशयितरित्या सोबत असल्याचे माहिती मिळाले वरुन पोलीस अधीक्षक, श्रवण दत्त.एस यांच्या मार्गदर्शनाखाली उपनगर पोलीस ठाण्याचे नवनियुक्त पोलीस निरीक्षक अमितकुमार मनेळ यांच्यासह स्टाफ अशांनी नंदुरबार ते वाकाचार रस्त्यादरम्यान असलेल्या हॉटेल हायवे येथे छापा टाकला असता तेथे वैश्याव्यवसाय चालविणारे हॉटेल मालक/चालक संजय ब्रिजलाल चौधरी रा.प्लॉट नं. 30, यमुना पार्क, निझर रोड, नंदुरबार त्याच्यासह ग्राहक योगेश कैलास अभाडे रा. पठारे ता. सिन्नर, जि.नाशिक, मंगेश अशोकराव शेजूळ रा. गोपाळ नगर, जे 4, अमृत धाम, पंचवटी, नाशिक, महेश पांडुरंग काळबांडे रा. गोपाळ नगर, अमृतधाम, पंचवटी, नाशिक असे मिळुन आले. सदर ठिकाणी एकुण 3 पिडीत महिला मिळून आल्या आहेत.
सदर हॉटेल हायवे मालक/चालक संजय ब्रिजलाल चौधरी हा त्याचे मालकीचे हॉटेलमध्ये वरील इसमांकडुन पैसे स्विकारुन पिडीत महीलांसोबत शारिरीक संबंध करायला लावून स्वतःचे हॉटेलचे जागेचा वापर वैश्याव्यवसायासाठी करुन त्या महिलांचे वैश्याव्यवसायाचे कमाईवर उदरनिर्वाह करीत होता. त्याअन्वये उपनगर पोलीस ठाणे येथे स्त्रिया व मुली अनैतिक व्यापार (प्रतिबंध) अधि. 1956 चे कलम 3, 4, 5, 7(2)(a) अन्वये गुन्हा दाखल करण्यात आला आहे. गुन्हयाचा पुढील तपास पोनि अमितकुमार मनेळ हे करीत आहेत.
सदरची कामगिरी नंदुरबार पोलीस अधीक्षक श्रवण दत्त.एस, अपर पोलीस अधीक्षक आशित कांबळे, उपविभागीय पोलीस अधिकारी संजय महाजन यांचे मार्गदर्शनाखाली उपनगर पोलीस ठाण्याचे पोलीस निरीक्षक अमितकुमार मनेळ, सपोनि संजोग बच्छाव, असई राजेंद्र दाभाडे, पोशि विपूल पाटील, कमलाकर चौरे, मपोशि गणेशा गावित अशांनी केली आहे.