नंदुरबार l प्रतिनिधी-
महाराष्ट्राचे आदिवासी विकास मंत्री तथा नंदुरबार विधानसभा क्षेत्राचे आमदार डॉक्टर विजयकुमार गावित यांनी केलेल्या प्रयत्नांमुळे नंदुरबार शहरातील वेगवेगळ्या प्रभागांमधील आणखी 12 समाज मंदिरे आणि सभागृह बांधणीच्या कामांसाठी सुमारे 9 कोटी 50 लाख रुपये इतका निधी मंजूर झाला असून या कामांना मान्यता मिळाली आहे.
नंदुरबार शहरातील प्रत्येक विभागाला प्रत्येक प्रभागाला विकास निधी प्राप्त करून देण्यासाठी आणि प्रत्येक प्रभागातील कामांना गती देण्यासाठी महाराष्ट्राचे आदिवासी विकास मंत्री तथा नंदुरबार विधानसभा क्षेत्राचे आमदार डॉक्टर विजयकुमार गावित हे सातत्याने प्रयत्नशील असतात. त्याचाच एक भाग म्हणून त्यांनी या कामासाठी सुद्धा प्रयत्न चालवले होते. त्या संदर्भात अधिक माहिती देताना त्यांनी सांगितले की, “नगरपरिषदांना वैशिष्ट्यपूर्ण कामासाठी विशेष अनुदान” या योजनेंतर्गत नंदूरबार नगरपरिषदेला रक्कम रु.९,५०,००,०००/- (अक्षरी रक्कम रु. नऊ कोटी पन्नास लक्ष मात्र) इतका निधी विविध कामांकरीता मंजूर करण्यात आला आहे. सदर प्रकल्प खर्चाचा १००% हिस्सा राज्य शासनाचा राहणार आहे. सदर शासन निर्णयातील कामाच कार्यान्वयन यंत्रणा “सार्वजनिक बांधकाम विभाग” राहील, असे शासन निर्णयात स्पष्ट नमूद केले आहे.
निधी मंजूर झालेल्या नंदूरबार नगरपरिषद क्षेत्रातील कामे 12 कामांची यादी याप्रमाणे:
1. प्रभाग क्रमांक १६ मधील चव्हाण चौक येथील सामाजिक सभागृहाचे पहिल्या मजल्याचे बांधकाम करणे.
रुपये 50 लक्ष
2. गवळीवाडा येथील नपाचे सामाजिक सभागृहाचे वाढीव बांधकाम करणे. 1कोटी रुपये
3. प्रभाग क्र-१० मधील देसाईपुरा येथील श्री वैष्णव दसा पोरवाड पंच पोरवाल वाडी येथे सामाजिक सभागृहाचे बांधकाम करणे. 1कोटी 50 लक्ष रुपये
4. श्री समस्त श्रीमाळी ब्राम्हण पंच नंदुरबार रंगमहल गल्ली येथे सामाजिक सभागृह बांधणे. 1 कोटी रुपये
5. समस्त ब्राम्हण पंच मंडळी ब्राम्हणवाडी नंदुरबार शहर येथे नपाचे सामाजिक सभागृह बांधणे. 1 कोटी 50 लक्ष रुपये
6. गुरव समाज वस्ती नंदुरबार शहर येथे नपाचे सामाजिक सभागृह बांधणे. 1कोटी रुपये
7. जेष्ठ नागरिकांकरिता कमलकुंजनगर, नळवा रोड, नंदुरबार येथे नपाच्या खुल्या जागेत डोम उभारणे. 50 लक्ष रुपये
8. जेष्ठ नागरिकांकरिता कमलकुंज नगर नळवा रोड नंदुरबार येथे नपाच्या खुल्या जागेत चौथरा तयार करणे. 50 लक्ष रुपये
9. प्रभाग क्र.१ मध्ये सोहम पार्क च्या खुल्या जागेवर आदिवासी समाज मंदीर बांधणे. 50 लक्ष रुपये
10. प्रभाग क्र.३ मध्ये गुजर न्हावी समाजासाठी श्री शिवाय कॉलनी नंदुरबार येथे समाज मंदीर बांधणे. 50 लक्ष रुपये
11. प्रभाग क्र-१७ उघडेश्वर महादेव मंदीर परिसरात समाज मंदीर बांधणे. 50 लक्ष रुपये
12. बडगुजर समाज उन्नती मंडळ, नंदुरबार येथे समाज मंदीर बांधणे. 50 लक्ष रुपये
