नंदुरबार l प्रतिनिधी-
येथील शिवसेना ठाकरे गटाच्या नुतन पदाधिकाऱ्यांची नुकतीच निवड करण्यात आली. त्यात युवा सेना जिल्हाप्रमुखपदी अर्जुन मराठे, युवा सेना उपजिल्हाधिकारी नंदुरबार सागर पाटील, युवा सेना जिल्हा उपजिल्हाधिकारी नवापूर दिनेश भोई आदींसह नुतन पदाधिकाऱ्यांचा सत्कार व आढावा बैठकीचे आयोजन करण्यात आले होते.
यावेळी जिल्हा सहसंपर्कप्रमुख दिपक गवते, जिल्हाप्रमुख अरुण चौधरी, युवा सेना नंदुरबार जिल्हा विस्तारक कुणाल कानकाटे यांनी उपस्थितांना मार्गदर्शन करतांना सांगितले की, येणाऱ्या विधानसभा निवडणूकीत आपल्याला महाविकास आघाडीच्या उमेदवारांसाठी प्रचंड मेहनत घ्यावी लागेल. तसेच युवा सेना पदाधिकाऱ्यांनी सदर पदाचा उपयोग नागरिकांच्या समस्या सोडविण्यासाठी करावे.
यावेळी उपजिल्हाप्रमुख सुनिल सोनार, महानगरप्रमुख पंडीत माळी, शहरप्रमुख राजधर माळी, अक्कलकुवा- शहादा विधानसभा जिल्हाधिकारी राकेश पावरा, जिल्हा समन्वयक राहुल टिबे, जिल्हा सचिव दिनेश भोपे, सोशल मिडीया समन्वयक आनंदा पाटील आदीसह पदाधिकारी मोठ्या संख्येने उपस्थित होते. कार्यक्रमाचे सुत्रसंचालन आनंदा पाटील यांनी केले तर आभार राहुल टिबे यांनी व्यक्त केले.
