जिल्हा नियोजन समितीवर शिवसेना जिल्हाप्रमुख ॲड.राम रघुवंशी,विजयसिंह पराडके,किसिंग वसावे

नंदुरबार l प्रतिनिधी-

जिल्हा नियोजन समितीच्या विशेष निमंत्रित सदस्य म्हणून शासनाकडून शिवसेनेचे जिल्हाप्रमुख ॲड. राम रघुवंशी, जि.प सदस्य विजयसिंह पराडके, शिवसेना जिल्हाप्रमुख किरसिंग वसावे यांची नियुक्ती करण्यात आलेली आहे. नियुक्ती झाल्यानंतर शिवसेनेच्या पदाधिकाऱ्यांनी उभयतांचे अभिनंदन केले आहे.

नियोजन विभागाचे उपसचिव नि.भा खेडकर यांच्या स्वाक्षरीनिशी शुक्रवार,दि. 5 जुलै रोजी शासन निर्णय निर्गमित करण्यात आलेला आहे. जिल्हा नियोजन समितीवर शिवसेनेचे जिल्हाप्रमुख ॲड. राम रघुवंशी, जि.प सदस्य विजयसिंह पराडके, शिवसेना जिल्हाप्रमुख किरसिंग वसावे यांना नामनिर्देशित करण्यास शासनाने मान्यता दिली आहे.

शिवसेनेच्या तिघा पदाधिकाऱ्यांची नियुक्ती झाल्यानंतर जिल्हाभरात शिवसैनिकांमध्ये आनंदाचे वातावरण आहे. जिल्हा नियोजन समितीच्या माध्यमातून जिल्हा विकासावर भर देण्यात येईल. थेट शेवटच्या नागरिकापर्यंत शासनाच्या योजना पोचवण्यासाठी प्रयत्न करण्यात येतील. योजनेपासून कुणीही वंचित राहणार नाही याकडे पूर्ण लक्ष राहणार असल्याचे शिवसेनेचे जिल्हाप्रमुख ॲड. राम रघुवंशी, जि.प सदस्य विजयसिंह पराडके, शिवसेना जिल्हाप्रमुख किरसिंग वसावे यांनी सांगितले.