नंदुरबार l प्रतिनिधी
नंदुरबार जिल्हा पोलीस घटकातील पोलीस शिपायांची रिक्त पदे भरण्यातकरीता दि.19 जून 2024 ते 3 जुलै 2024 पर्यंत पोलीस भरती 2022-23 ची प्रक्रिया पोलीस कवायत मैदान, नंदुरबार येथे आयोजित करण्यात आली होती.
या कालावधीत वेगवेगळ्या पदांकरीता इतर घटकात मैदानी चाचणी, तांत्रिक अडचण, परिक्षा व इतर कारणास्तव जे उमेदवार भरती प्रक्रियेत उपस्थित राहु शकले नाहीत, अशा उमेदवारांना वाजवी संधी म्हणुन दिनांक 6 जुलै 2024 रोजी अंतिम तारीख देण्यात येत असुन उमेदवारांनी आवश्यक तो सबळ पुराव्यासह पोलीस भरती प्रक्रियेत आपले महाआयटीचे आवेदन अर्ज व आवश्यक कागदपत्राच्या छायांकित प्रतीसह हजर रहावे.
दिनांक 6 जुलै 2024 ही नंदुरबार जिल्हा पोलीस शिपाई भरती 2022-23 ची अंतिम तारीख असुन या तारखेनंतर येणा-या उमेदवारांची विनंती विचारात घेतली जाणार नाही याची सर्व उमेदवारांनी नोंद घ्यावी. असे आवाहन जिल्हा पोलीस अधीक्षक श्रवण दत्त यांनी केले आहे.
