नंदुरबार l प्रतिनिधी
तालुक्याती
विद्यालयाच्या पटांगणात विद्यालयाचे मुख्याध्यापक ए.बी.पाटील, सर्व शिक्षक शिक्षकेतर कर्मचारी व विद्यालयातील सर्व विद्यार्थ्यांनी क्रीडा शिक्षक भरत चौधरी यांच्या मार्गदर्शनाखाली सुरुवातीला विविध पूरक शारीरिक हालचाली करून व्यायाम प्रकारांचे आकलन करून कृती केल्या. विद्यार्थ्यांनी शिक्षकांसोबत विविध योगासने भुजंगासन, शलभासन, त्रिकोणासन ताडासन, वृक्षासन, पादस्तासन, अर्धचक्रासन अशी विविध योगासने केली. त्याचबरोबर कपालभाती, भ्रामरी, अनुलोम-विलोम, शीतली प्राणायाम, ध्यानधारणा, शांतीपाठ करून विद्यार्थ्यांनी शिक्षकांसमवेत संकल्प केला.
सुरुवातीला विद्यालयाचे मुख्याध्यापक व क्रीडा शिक्षक यांनी आंतरराष्ट्रीय योग दिनाचे महत्त्व पटवून दिले. ‘शरीर हीच खरी संपत्ती’ असून व्यायाम प्रकार, योगासने व प्राणायाम नियमित करून आपण आपले आरोग्य कसे निरोगी ठेवता येईल यासाठी विद्यार्थ्यांना टी.जी.पाटील यांनी मार्गदर्शन केले. विद्यार्थ्यांनी शिक्षकांसमवेत संकल्प केला की, मी दररोज नियमितपणे माझ्या निरोगी आरोग्यासाठी व शरीरासाठी एक तास देऊन निरोगी राहण्याचा प्रयत्न करीन. याप्रसंगी विद्यालयातील एम. बी.शिंदे, एम.बी. बोरसे, एच.एस.साळुंखे, डी.ए.चौधरी, डी.बी.आखाडे, सी.एस.पाटील, बी.एन.कुवर, ए.टी.भिल व महिला शिक्षिका श्रीमती. सी. एच. वाघ, श्रीमती व्ही. के. गिरासे व सर्व विद्यार्थ्यांनी कृतीयुक्त योगसाधनेत सहभाग घेऊन मोठ्या आनंदाने व उत्साहाने योग दिवस साजरा करण्यात आला.