नंदुरबार l प्रतिनिधी
तालुक्यातील भालेर येथील श्रीमती क.पु. पाटील माध्यमिक विद्यालयातील विद्यार्थ्यांनी परीक्षेत घवघवीत यश प्राप्त केले असून विद्यालयाचा 86.20 टक्के निकाल लागला.
महाराष्ट्र राज्य माध्यमिक व उच्च माध्य. शिक्षण मंडळ पुणे यांच्यामार्फत घेण्यात आलेल्या इयत्ता दहावी मार्च 2024 चा परीक्षेचा ऑनलाईन निकाल जाहीर झाला यात नंदुरबार तालुक्यातील भालेर येथील श्रीमती क.पु. पाटील माध्यमिक विद्यालयातील विद्यार्थ्यांनी परीक्षेत घवघवीत यश प्राप्त केले.
विद्यालयाचा निकाल 86.20 टक्के लागला. विद्यालयात प्रथम क्रमांक पल्लवी चंद्रकांत पाटील 90 टक्के, द्वितीय क्रमांक सिद्धेश मुकेश पाटील 86.80 टक्के, तृतीय क्रमांक गोरख किशोर माळी 86.60 टक्के, चौथा क्रमांक हिमांशू पंढरीनाथ माळी 86 टक्के, पाचवा क्रमांक धनंजय भाऊसाहेब पाटील 85.40 टक्के मिळत यश संपादित केले.
विद्यालयात 50 विद्यार्थी उत्तीर्ण झाले.सर्व उत्तीर्ण विद्यार्थ्यांचे संस्थेचे संस्थापक अध्यक्ष भास्करराव हिरामण पाटील, कार्याध्यक्ष विजय भास्करराव बोरसे, उपाध्यक्ष चंद्रशेखर भास्करराव पाटील, सचिव संचालक मंडळ, विद्यालयाच्या मुख्याध्यापिका, पर्यवेक्षक , प्राध्यापक,शिक्षक, शिक्षिका ,शिक्षकेतर कर्मचारी यांनी यशस्वी विद्यार्थ्यांचे अभिनंदन केले व पुढील वाटचालीसाठी शुभेच्छा दिल्या.
