नंदुरबार l प्रतिनिधी
नवापुर तालुक्यातील बोरपाडा धरणात अंघोळीसाठी गेलेल्या दोघी अल्पवयीन मुलींचा पाय घसरुन पाण्यात बुडून मृत्यू झाल्याची दुर्दैवी घटना घडली आहे. या मुलींचे मृतदेह काढून शवविच्छेदन करून नातेवाईकांना सोपवण्यात आला.
नवापुर तालुक्यातील बेडकी गावातील उज्वला जयंत्या गावीत ( वय 16) व मिखा सानु गावीत ( वय 16) या दोन्ही मैत्रीणी गावा जवळ असलेल्या बोरपाडा धरणात दोन दिवसांपूर्वी दुपारच्या वेळी अंघोळीसाठी गेल्या होत्या. किनाऱ्यावर अंघोळ करतांना त्यांचा पाय घसरल्याने दोघी धरणाच्या खोल पाण्यात गेल्याने दोघांचा बुडून मृत्यू झाला.
याबाबत माहिती मिळताच गावकऱ्यांनी पोलिसांच्या मदतीने धरणातून मृतदेह बाहेर काढला.दोघा मुलींच्या मृत्यूमुळे बेडकी गावात शोककळा पसरली.परिवाराचा सदस्यांनी एकच आक्रोश केला.दोन्ही मयत मुलींचे विसरवाडी ग्रामीण रुग्णालयात शवविच्छेदन करून नातेवाईकांच्या ताब्यात देण्यात आले.
