श्री स्वामी समर्थ महाराज पुण्यतिथीनिमित्त आयोजित अखंड नाम जप यज्ञ सप्ताहाची सांगता

नंदुरबार l प्रतिनिधी –
श्री स्वामी समर्थ पुण्यतिथी निमित्त नंदुरबार येथील नेहरू चौक परिसरातील श्री स्वामी समर्थ सेवा केंद्रात अखंड नाम जप यज्ञ सप्ताहाचे आयोजन करण्यात आले होते .या सप्ताहाची आज महाआरती करून सांगता करण्यात आली.या सप्ताह कालावधीत विविध सेवा महाराजाच्या चरणी रुजू करण्यात आली.

यात श्री गुरुचरित्र पारायण पाठासाठी 222 सेवेकरी बसले होते तर सप्ताह भरात
श्री स्वामी चरित्र पाठ 653,श्री दुर्गा सप्तशती पाठ 733 ,श्री रुद्र पाठ 206 श्री मल्हारी सप्तशती पाठ 274 पाठ करण्यात आले तर श्री स्वामी समर्थ मंत्र जप 43,06,716 ,श्री नवर्णव मंत्राचा जप ५,५२,८५२, श्री गायत्री मंत्राचा जप-3,90,744 व श्री महामृत्युंजय मंत्राचा जप 3,21,192 इतका आला.

या सप्ताह कालावधीत गणेश याग,स्वामी याग,मल्हारी याग,रुद्र याग ,चंडी याग करण्यात आले .याच बरोबर श्री स्वामी समर्थ महाराज पुण्यतिथी व 1 मे महाराष्ट्र दिनाचे औचित्य साधत रक्तदान शिबिराचे देखील आयोजन करण्यात आले होते. या रक्तदान शिबिरात जवळपास 50 सेवेकऱ्यानी रक्तदान करून राष्ट्रसेवेत आपला सहभाग नोंदविला. सप्ताहच्या सांगता निमित्त आयोजित महाआरतीला हजारोच्या संख्येने सेवकरी सहभागी झाले होते.