नंदुरबार l प्रतिनिधी
शहादा तालुक्यात दुसऱ्या दिवशी ॲड.गोवाल पाडवींच्या झंझावाती प्रचार दौऱ्याने महाविकास आघाडीमध्ये प्रचंड उत्साह आला.
यावेळी कृषी उत्पन्न बाजार समितीचे सभापती अभिजीत पाटील, जयपाल रावल, जि प सदस्य मोहन शेवाळे आधी उपस्थित होते.
शहादा तालुका अक्षरशः पिंजून काढण्याचे काम गोवाल पाडवींच्या माध्यमातून सुरू आहे. यावेळी मुत्सद्दीपणे नाराज भाजप कार्यकर्त्यांना देखील गावागावात आपल्या बाजूने वळविण्याचे काम गोवाल पाडवी करत आहेत.
शहादा तालुक्यातील नांदरखेडा, पळसवाडे, शेल्टि, ससदे, बिलाडी, पुसनद, शिरुडदिगर, भादे, काथर्दे, डांबरखेडा, प्रकाशा, सोनवद, कहाटूळ, निंभोरा, जयनगर, कोंढावळ, काकर्दे, फेस, वडाळी, कठोली, कोठली, शहादा शहर या ठिकाणी भेटीगाठी तसेच कॉर्नर सभांचा धडाका दोन दिवसांत लावण्यात आला आहे.
