म्हसावद । प्रतिनिधी:
लोकसभा निवडणुकीच्या अनुषंगाने म्हसावद गावात पोलीस दलातर्फे रूट मार्च करण्यात आला.
म्हसावद पोलीस ठाणे येथे आगामी लोकसभा निवडणुक २०२४ व कायदा व सुव्यवस्था अनुषंगाने पोलीस अधीक्षक श्रवण दत्त यांच्या आदेशाने, अपर पोलिस अधीक्षक निलेश तांबे व शहादा उपविभागीय पोलीस अधिकारी दत्ता पवार यांच्या मार्गदर्शनाखाली म्हसावद गावात पोलीस स्टेशन येथुन मच्छी बाजार, बाजार चौक, बहिरोम चौक, डॉ. बाबासाहेब आंबेडकर चौक, साई बाबा मंदिर, सरदार पटेल चौक, धनगर गल्ली, अहिल्याबाई पुतळा, ग्रामीण रुग्णालय म्हसावद, आंबाजीमाता मंदिर व पोलीस ठाणे येथे समाप्त झाले. सदर रुटमार्च कामी सीआयएसएफ कंपनीचे दोन अधिकारी ,60 जवान, बीएसएफ चे दोन अधिकारी, सहाय्यक पोलिस निरीक्षक राजन मोरे,उपनिरीक्षक जितेंद्र पाटील,उपनिरीक्षक बडगुजर.पोलिस कर्मचारी, 14 होमगार्ड उपस्थित होते. सदरचा रुट हा सकाळी १० वाजता सुरु होऊन ११ वाजता समाप्त झाला.
तसेच म्हसावद गावातील लोकांशी आगामी लोकसभा निवडणुक २०२४ च्या अनुषंगाने चर्चा करण्यात आली असता शांततेत पार पडतील असा लोकांनी चांगला प्रतिसाद दिला आहे. रूट मार्च बाबत सर्वत्र समाधान व्यक्त करण्यात आलेला आहे.
