म्हसावद । प्रतिनिधी:
म्हसावद पोलीस ठाण्याची आणखी एक दमदार कामगिरी करीत अवैध दारुसह 5 लाख 38 हजार 736 किमतीचा मुद्देमाल जप्त केला.
शहादा तालुक्यातील म्हसावद पोलीस ठाणे हद्दीत पोलीस महानिरीक्षक नाशिक परिक्षेत्र बी.जी. शेखर पाटील यांच्या आदेशाने व मान्य पोलीस अधीक्षक नंदुरबार श्रवण दत्त यांच्या मार्गदर्शनाने २९ एप्रिल रोजी रात्री ११ वा. ते दि.29 रोजी पहाटे ५ वाजेच्या सुमारास दरम्यान जिल्ह्यात सर्वत्र ऑल आऊट स्कीम राबण्यात आली होती.त्या अनुषंगाने चिखली फाटा म्हसावद या ठिकाणी नाकाबंदी लावण्यात आली होती सदर नाकाबंदीच्या ठिकाणी पांढऱ्या रंगाच्या महिंद्रा बोलेरो ( क्र.एम.एच.04,जी.एम.5397) मध्ये अवैध दारूची चोरटी वाहतूक करीत आहे.
अशी गुप्त माहिती खात्रीलायक माहिती पो. अधिक्षक श्रवण दत्त यांना मिळाल्याने त्यांनी म्हसावद ठाणे प्रभारी राजन मोरे यांना कळवून तात्काळ कायदेशीर कारवाई करण्याचे आदेश दिले त्या अनुषंगाने नाकाबंदीच्या ठिकाणी दोन टीम मध्ये सापळा रचण्यात आला .
रात्री 12.45 वा च्या सुमारास वाहन चालक हा त्याच्या ताब्यातील वाहनात 1 लाख 38 हजार 736 रूपये किंमतीचा देशी दारू (संत्रा व टॅंगो ) चे 56 बॉक्स. प्रत्येक बॉक्समध्ये 180 मिली. चे 48 क्वार्टर. एकूण 2688 देशी दारूच्या कॉटर 4 लाखाचा गाडीसह
5 लाख 38 हजार 736 रुपयांचा मुद्देमाल जप्त केला.पो. कॉ.राहुल पावरा यांच्या फिर्यादीवरून पोलीस ठाण्यात वंशा जंगल्या नाईक रा. घाटली ता. धडगाव याच्या विरुद्ध गुन्हा दाखल करण्यात आला. सदर गुन्ह्याचा तपास पो. हे. कॉ..भीमसिंग ठाकरे हे करीत आहेत.
सदर कारवाई सपोनी राजन मोरे, हे.को.बहादूर बिलाला,पो.ना. शैलेशसिंग राजपूत,अजित गावित पो. काँ.दादाभाई साबळे, उमेश पावरा, राकेश पावरा, सचिन तावडे यांच्या पथकाने केली
