नंदुरबार l प्रतिनिधी
विसरवाडी नंदुरबार रस्त्यावरील वडदा गावाच्या शिवारात वळणावर कार व एस.टी.बसची समोरासमोर धडक झाल्याने एक लहान बालीका ठार तर चार जण जबर जखमी झाल्याची घटना घडली आहे.
अधिक माहिती अशी की, आज 25 एप्रिल रोजी दुपारी दोन वाजेच्या सुमारास अमळनेर हुन सुरत येथे जाणारी आय 10 कार ( क्र. जी.जे.5 जे.एफ.0318) हि भरघाव वेगात येत असतांना वडदा गावाच्या शिवातरात वळणावर कार वरील चालकाचा नियंत्रण सुटल्याने समोरून येणारी गुजरात डेपोची एस.टी (क्र. जी.जे. 18 झेड.9710) ला एक साईट ने जोरदार धडक दिल्याने कार चा पुढील भाग चक्काचूर होवुन लांब फेकली गेली.
या अपघातात कार मधील चालक रविंद्र रमेश जाधव ,पत्नी शैला रविंद्र जाधव ,मुलगा भाग्य रवींद्र जाधव, मुलगी जिग्निशा रवींद्र जाधव,भाची मानसी राजेंद्र पाटील सर्व रा.गायत्री नगर नवागाम सुरत यांना जबर दुखापत झाली होती.
या घटनेची माहिती मिळताच विसरवाडी पोलीस ठाण्याचे सहाय्यक पोलीस निरीक्षक प्रकाश झोडगे,पो.उप.नि.किरण पाटील, हे.कॉ.विजय चौधरी, भोजराज धनगर, राजु कोकणी हे घटनास्थळी दाखल झाले ,सर्व जखमीना विसरवाडी ग्रामीण रुग्णालयात उपचारासाठी दाखल केले असता लहान मुलगी जिग्निशा रवींद्र जाधव उपचार घेत असतांना मयत झाली .पुढील तपास पोलीस करत आहेत.