नंदुरबार l प्रतिनिधी
लोकसभा सार्वत्रिक निवडणुक-2024 च्या अनुषंगाने भारत निवडणुक आयोगाने घोषित केला असून, अत्यावश्यक सेवेत कार्यरत असलेल्या कर्मचाऱ्यांना मतदान करता यावे याकरीता टपाली मतदान केंद्राची स्थापना करण्यात आल्याची माहिती जिल्हाधिकारी तथा जिल्हा निवडणूक निर्णय अधिकारी मनिषा खत्री यांनी एका शासकीय प्रसिद्धी पत्रकान्वये कळविले आहे.
भारत निवडणूक आयोगाने मतदानाच्या दिवशी अत्यावश्यक सेवेमध्ये कार्यरत असलेल्या कर्मचाऱ्यांना मतदान करण्यासाठी मध्यवर्ती ठिकाण निश्चित करून एक टपाली मतदान केंद्र स्थापन करण्याचे निर्देश दिले आहेत. नंदुरबार जिल्ह्यातील 01-अक्कलकुवा, 02-शहादा, 03- नंदुरबार, 04-नवापूर या 4 तसेच धुळे जिल्ह्यातील 05-साक्री, 09-शिरपूर या 2 अशा एकूण 6 विधानसभा मतदार संघाचा समावेश आहे.
भारत निवडणूक आयोगामार्फत निर्देशित केलेल्या 32 विभागापैकी 01- नंदुरबार लोकसभा मतदार संघातील आवश्यक सेवेच्या कर्तव्यावर असलेल्या कर्मऱ्यांना मतदानाचा हक्क टपाली मतपत्रिकद्वारे बजावता यावा यासाठी 7, 8 व 9 मे 2024 पर्यंत सकाळी 9.00 वाजेपासून ते सायंकाळी 5.00 वाजेपर्यंत जुनी भुसंपादन शाखा, पहिला मजला, मा. अपर जिल्हाधिकारी यांचे दालनाच्या पश्चिमेकडील पुर्व पश्चिम हॉल, जिल्हाधिकारी कार्यालय, नंदुरबार येथे टपाली मतपत्रिकद्वारे मतदान करता येणार आहे. असे जिल्हाधिकारी तथा जिल्हा निवडणुक निर्णय अधिकारी, यांनी एका प्रसिद्धी पत्रकाद्वारे कळविले आहे.
