नंदुरबार l प्रतिनिधी
का.वि.प्र.संस्था भालेर संचलित श्रीमती.क.पु.पाटील माध्यमिक विद्यालय येथे दहावी व बारावीच्या विद्यार्थ्यांचा निरोप समारंभ संपन्न झाला.
कार्यक्रमाच्या अध्यक्षस्थानी संस्थेचे संस्थापक अध्यक्ष भास्करराव हिरामण पाटील, प्रमुख पाहुणे म्हणून भालेरच्या माजी सरपंच व संस्थेच्या संचालिका सौ.बेबीताई भास्करराव पाटील ,उपाध्यक्ष चंद्रशेखर पाटील, प्राचार्या सौ. विद्या चव्हाण, पर्यवेक्षक ए.व्ही.कुवर उपस्थित होते. या प्रसंगी पल्लवी पाटील ,निकिता धनगर, गोरख माळी , निकिता पाटील, वैष्णवी पाटील, वर्षा पाटील, पूजा अहिरे ,समाधान धनगर, या विद्यार्थ्यांनी आपल्या शैक्षणिक जीवनाचा अनुभव कथन केला .
ए.एस.पटेल व पी.एस. सूर्यवंशी यांनी विद्यार्थ्यांना भावी जीवनासाठी मार्गदर्शन करून परीक्षेसाठी शुभेच्छा दिल्या. पाटील यांनी अध्यक्षीय भाषणात विद्यार्थ्यांना उपदेशपर मोलाचे मार्गदर्शन केले परीक्षेसाठी पुढील वाटचालीस शुभेच्छा दिल्या. कार्यक्रमाचे प्रास्ताविक व सूत्रसंचालन व्ही.व्ही. ईशी यांनी केले विद्यार्थ्यांनी आपल्या आठवणी प्रित्यर्थ विद्यालयास राजे छत्रपती शिवाजी महाराज व घड्याळ व भगवान श्रीकृष्णाच्या फोटो फ्रेम विद्यालयास सप्रेमभेट दिली. कार्यक्रमास सर्व विद्यार्थी प्राध्यापक, शिक्षक, शिक्षिका, शिक्षकेतर कर्मचारी उपस्थित होते.
