नंदुरबार l प्रतिनिधी-
नंदुरबार लोकसभा मतदारसंघातील सातपुड्याच्या पायथ्याशी असलेल्या तोरणमाळ भागात 24 तास मुक्कामी थांबून महासंसदरत्न खा.डॉ.हिना गावित यांनी भारतीय जनता पार्टीच्या ‘गाव चलो अभियान’ अंतर्गत घरोघर संपर्क केला आणि दुर्गम आदिवासी बांधवांच्या विकासासाठी राबवलेल्या योजनांची माहिती देत पंतप्रधान नरेंद्र मोदी यांच्या पाठीशी उभे राहण्याचे आवाहन केले.
प्रत्येक गावातील ग्रामस्थांमध्ये राहून त्यांच्या समस्या जाणून घेण्यासाठी तसेच मोदी सरकारने राबवलेल्या विकास योजनांची माहिती देण्यासाठी भारतीय जनता पार्टीने गाव चलो अभियान सुरू केले आहे.
खा.डॉ.हिना गावित यांनी या अभियाना अंतर्गत दिनांक 14 फेब्रुवारी 2024 रोजी दुपारपासून तोरणमाळच्या दुर्गम भागात मुक्काम ठोकून संवाद साधणे सुरू केले आहे. यात त्यांनी जुने तोरणमाळ नवे तोरणमाळ गावातील ग्रामस्थांशी संवाद साधला केंद्र सरकारच्या योजनांचे माहिती पुस्तक दिले. केंद्र सरकारच्या मार्फत राबविण्यात आलेल्या योजनांची माहिती त्यांनी ग्रामस्थांना दिली आगामी लोकसभा निवडणुकीच्या पार्श्वभूमीवर त्यांनी पुन्हा एकदा पंतप्रधान नरेंद्र मोदी यांच्या पाठीशी उभे राहून कमळ न्चिन्हावर मतदान करण्याचे आवाहन केले. दुपारपासून रात्री उशिरापर्यंत ठीक ठिकाणी भेटी घेणे पाड्यांमध्ये बैठका घेणे आणि संवाद साधून समस्या माहीत करून घेणे यावर खा.डॉ.हिना गावित आणि त्यांच्या समवेत असलेल्या कार्यकर्त्यांनी भर दिला.
तोरणमाळ हा सातपुडा पायथ्याशी असलेल्या नंदुरबार जिल्ह्यातील अतिदुर्गम भाग आहे. अनेक वर्षे विकासापासून वंचित राहिलेल्या या भागात मागील दहा वर्षात मोदी सरकारच्या माध्यमातून खा.डॉ.हिना गावित यांनी विज पाणी रस्ते या मूलभूत सुविधा सह घरकुल गॅस वगैरे वाटप करून योजनांची प्रभावी अंमलबजावणी केली आहे.