शहादा l प्रतिनिधी
कवयित्री बहिणाबाई चौधरी उत्तर महाराष्ट्र विद्यापीठ जळगाव स्तरीय आंतर विभागीय बॉडी-बिल्डिंग स्पर्धेत येथील पूज्य साने गुरुजी विद्या प्रसारक मंडळाच्या वरिष्ठ महाविद्यालयातील सुवर्णपदक विजेत्या यशस्वी खेळाडू सैय्यद फैजान या विद्यार्थ्यांचा सत्कार करण्यात आला.
महात्मा गांधी कला, विज्ञान व वाणिज्य महाविद्यालय चोपडा जि.जळगाव येथे संपन्न झालेल्या कवयित्री बहिणाबाई चौधरी उत्तर महाराष्ट्र विद्यापीठ स्तरीय स्पर्धेत पूज्य साने गुरुजी विद्या प्रसारक मंडळाचे कला, विज्ञान व वाणिज्य महाविद्यालय शहादाच्या प्रथम वर्ष कला शाखेतील विद्यार्थी खेळाडू सैय्यद फैजान अब्दुल रौफ याने सुवर्ण पदक पटकावले.
सदरील खेळाडूची राष्ट्रीयस्तरीय अखिल भारतीय आंतर विद्यापीठ स्पर्धेकरीता विद्यापीठ संघात निवड झाली आहे. सुवर्ण पदक विजेता सैय्यद फैजान अब्दुल रौफ याचा सत्कार पूज्य साने गुरुजी विद्या प्रसारक मंडळाचे समन्वयक तथा शहादा तालुका खरेदी विक्री संघाचे चेअरमन प्रा.मकरंद पाटील यांच्या हस्ते करण्यात आला.यावेळी महाविद्यालयाचे प्राचार्य डॉ.आर.एस.पाटील, महाविद्यालयाचे क्रीडा संचालक डॉ.अरविंद कांबळे उपस्थित होते.
त्याच्या यशस्वी निवडीबद्दल पूज्य साने गुरुजी विद्या प्रसारक मंडळाचे अध्यक्ष दीपक पाटील, उपाध्यक्ष जगदीश पाटील,मानद सचिव श्रीमती कमलताई पाटील, समन्वयक प्रा मकरंद पाटील, कृषी उत्पन्न बाजार समितीचे संचालक मयूरभाई दीपक पाटील, उपप्राचार्य डॉ.एम. के. पटेल, डॉ.एस.डी. सिंदखेडकर, प्रा.कल्पना पटेल, डॉ.महेश जगताप, डॉ.जी.एस.गवई, सुनिल भांडारकर यांनी अभिनंदन व कौतुक केले.
