नंदुरबार l प्रतिनिधी
जिल्ह्यातील रुग्णांना तात्काळ उपचार मिळावेत यासाठी मुख्यमंत्री एकनाथ शिंदे यांनी जिल्ह्यासाठी पुन्हा १ रुग्णवाहिका सुपूर्द केली आहे. त्या रुग्णवाहिकेचे लोकार्पण रविवारी शिवसेनेचे संपर्कप्रमुख तथा माजी आमदार चंद्रकांत रघुवंशी यांच्या हस्ते करण्यात आले.
धर्मवीर आनंदराव दिघे यांच्या पुण्यतिथीनिमित्त ठाणे येथील शक्तीपीठ येथे रुग्णवाहिका वितरणाच्या उपक्रम राबवण्यात आला. राज्यातील अनेक जिल्ह्यांना रुग्णवाहिकांचे वाटप मुख्यमंत्री एकनाथ शिंदे यांच्या हस्ते करण्यात आले.त्यावेळी शिवसेना जिल्हाप्रमुख ॲड.राम रघुवंशी,शिवसेना जिल्हाप्रमुख किरसिंग वसावे व माजी नगरसेवक यशवर्धन रघुवंशी यांच्याकडे चाव्या सुपूर्द करण्यात आल्या.
नंदुरबार जिल्ह्यातील दुर्गम अधिक दुर्गम भागातील रुग्णांना जलद गतीने उपचार मिळावेत यासाठी यापूर्वीच दोन रुग्णवाहिका मिळाल्या होत्या आता पुन्हा १ रुग्णवाहिका देण्यात आली. काल रविवारी रुग्णवाहिकेचे पूजन शिवसेनेचे संपर्कप्रमुख कथा माजी आमदार चंद्रकांत रघुवंशी व जिल्हाप्रमुख ॲड.राम रघुवंशी यांच्या हस्ते करण्यात आले.
याप्रसंगी माजी पाणीपुरवठा सभापती कैलास पाटील, माजी नगरसेवक रवींद्र पवार, अतुल पाटील,शिवसेना शहर प्रमुख विजय माळी,अरुण हजारी,बाजार समिती संचालक प्रकाश माळी, रमेश पाटील,सामाजिक कार्यकर्ते भिका चौधरी, मनोहर पाटील,किशोर सोनवणे आदी उपस्थित होते.
