नंदुरबार l प्रतिनिधी
येथील बडगुजर समाज उन्नती मंडळातर्फे रविवार दि.२७ ऑगस्ट रोजी बडगुजर समाजातील गुणवंत विद्यार्थ्यांचा गुणगौरव, विशेष प्राविण्य प्राप्त, पदोन्नती तसेच सेवानिवृत्त झालेले समाज बांधवांचा मान्यवरांच्या हस्ते सत्कार समारंभ कार्यक्रम आयोजित करण्यात आला आहे.
सालाबादाप्रमाणे यंदाही येथील लोकमान्य टिळक वाचनालय सभागृहात दि.२७ ऑगस्ट २०२३ रविवार रोजी दुपारी २ वाजता कार्यक्रम होणार असून यावेळी माजी आमदार तथा शिवसेनेचे धुळे-नंदुरबार जिल्हा संपर्क प्रमुख चंद्रकांत रघुवंशी यांच्या हस्ते प्रमाणपत्र देवून सत्कार्थींना गौरविण्यात येईल.
कार्यक्रमाच्या अध्यक्षस्थानी ओरिएंट ज्युनिअर कॉलेज, संभाजीनगर चेअरमन राजेंद्र बडगुजर तर प्रमुख पाहुणे म्हणून धुळे पंचायत समिती सदस्या श्रीमती सुरेखाताई बडगुजर, श्री चामुंडा माता धर्मदाय ट्रस्ट, धुळे अध्यक्ष पंढरीनाथ बडगुजर, आरबीएसके, तळोदा मेडीकल ऑफीसर डॉ.वंदनाताई बडगुजर, बडगुजर समाज उन्नती मंडळ, नंदुरबार सल्लागार पंडीतराव बडगुजर हे असणार आहेत. कार्यक्रमास समाज बांधवांनी मोठ्या संख्येने उपस्थित रहावे, असे आवाहन बडगुजर समाज उन्नती मंडळाच्या पदाधिकार्‍यांतर्फे करण्यात आले.
