नंदुरबार l प्रतिनिधी
महिला स्वसंरक्षण आज काळाची गरज बनली असून येथील जिजामाता एज्युकेशन सोसायटी संचलित फार्मसी कॉलेज येथे आयोजित दोन दिवशीय महिला स्वसंरक्षण प्रशिक्षण शिबिर पार पडले. यात सुमारे २३० निर्भया युवतींनी उत्स्फुर्तपणे आपला सहभाग नोंदविला.
ऑल महाराष्ट्र थांगता असोसिएशन व राजमाता जिजाऊ युवती स्वसंरक्षण तसेच नंदुरबार जिल्हा महिला बाल विकास अधिकारी यांच्या संयुक्त विद्यमाने राज्यातील सुमारे साडे तीन लाख युवतींना स्वसंरक्षणाचे धडे शिकविन्याचा उपक्रम ऑल महाराष्ट्र थांगता असोसिएशनचे सचिव महावीर धुळधर यांच्या मार्गदर्शनाखाली पार पडत आहे.
या अनुषंगाने येथील फार्मसी कॉलेजमध्ये स्वसंरक्षण प्रशिक्षण शिबिर पार पडले. या शिबिराचे उद्घाटन प्राचार्य डॉ.श्री आर.आर पाटील यांच्या हस्ते करण्यात आले यावेळी डॉ.पी.व्ही.गोमासे, डॉ.सौ.जयती गोखले, प्राचार्य एल.जी.शहा, प्रा.व्ही.एम.बोरसे, डॉ.आय.टी.अन्सारी, प्रा. सरोज वळवी, प्रा.जयश्री नाईक, प्रा.मनिषा गावित, प्रा.विनोद चौरे, प्रा.मनिषा पाटील, प्रा किशोर राठी, प्रा राजेश कुवर, प्रा.रिना पाटील, प्रा.विशाल कलाल, प्रा. मनेश कोकणी, प्रा.राहुल गांगुर्डे, प्रा.भाग्यश्री मोरे, प्रा.वनिता मराठे आदी उपस्थित होते.
यावेळी गणेश मराठे म्हणाले की, आरोग्य हीच खरी संपत्ती आहे. महिलांनी सक्षम होणे अत्यंत गरजेचे आहे. महिलांवर होणारे अत्याचार थांबविण्यासाठी सर्व प्रथम महिलांनीच स्वतः जागृत व्हावे. यासाठी स्वसंरक्षण प्रशिक्षण शिकणे आवश्यक आहे.
तसेच महिलांनी लक्षात ठेवावे आपल्या स्वतः जवळ असणार्या साधनाचा वापर देखील आपल्याला करता आला पाहिजे. उदा. टाचन पिन, पर्स, ओडणी, टोकदार पेन, मिरची पावडर, स्प्रे इ. ने सुध्दा आपण आपला बचाव करू शकतो, त्यासाठी स्वसंरक्षण प्रशिक्षण घेणे गरजेचे असते. शिबिरामध्ये जवळपास २३० मुलींनी सहभाग नोंदविला. प्रशिक्षण शिबिराचे ट्रेनिंग कोच म्हणून सेंट मदर तेरेसा हायस्कूल आणि ज्यु.कॉलेजचे क्रीडा शिक्षक संतोष मराठे, गणेश मराठे यांनी सर्व युवतींना महत्वाच्या टिप्स दिल्या.