नंदूरबार l प्रतिनिधी
नंदूरबार शहरातील एका एटीएम मध्ये पैसे भरण्यासाठी गेलेला कर्मचारी 1 कोटी 5 लाख रुपये घेऊन पसार झाल्याची घटना घडली आहे.या घटनेमुळे एकच खळबळ उडाली.
याबाबत प्राप्त प्राथमिक माहितीनुसार,नंदूरबार शहरातील स्टेट बँकेच्या एटीएम मध्ये पैसे भरण्यासाठी ( एम.एच.04, जेके.6269) या गाडीने जात असताना आज दि.14 ऑगस्ट रोजी दुपारी 12 वाजेच्या सुमारास धुळे चौफुली जवळ एका कर्मचाऱ्याने पोलीस मुख्यालयात असलेल्या एटीएम मध्ये पैसे भरून येतो असे सांगून गाडीतून 1 कोटी पाच लाख रुपये काढले व ते घेऊन तो दुचाकीने पसार झाल्याने एकच खळबळ उडाली.याबाबत माहिती मिळताच पोलीस त्याठिकाणी दाखल झाले उशिरा पर्यंत गुन्हा दाखल करण्याची प्रक्रिया सुरू आहे.
