नंदुरबार l प्रतिनिधी
माजी आ.लोकनेते स्व.बटेसिंहभैय्या रघुवंशी यांच्या जयंतीनिमित्त रविवारी राज्याचे पाणीपुरवठा मंत्री गुलाबराव पाटील, मदत व पुनर्वसन मंत्री अनिल पाटील यांच्या प्रमुख उपस्थितीत भरगच्च कार्यक्रमांचे आयोजन करण्यात आलेले आहे.अशी माहिती शिवसेनेचे संपर्कप्रमुख तथा माजी आ.चंद्रकांत रघुवंशी यांनी दिली.
लोकनेते,माजी आमदार स्व.बटेसिंहभैय्या रघुवंशी यांच्या जयंतीनिमित्त आयोजित कार्यक्रमांची माहिती देण्यासाठी शनिवारी छत्रपती शिवाजी महाराज नाट्य मंदिरात पत्रकार परिषद देण्यात आली त्यावेळी रघुवंशी बोलत होते.ते म्हणाले, रविवारी सकाळी १० वाजता स्व.बटेसिंहभैय्या रघुवंशी यांच्या स्मृतिस्थळी अभिवादन कार्यक्रम.१०.१५ वाजता नंदुरबार तालुका विधायक समितीच्या कार्यालयाचे उद्घाटन.१०.३० वा. छत्रपती मल्टी स्पेशालिस्ट हॉस्पिटलमध्ये सर्व रोग निदान शिबिर.११.वा.कृषी उत्पन्न बाजार समितीच्या मार्केट यार्ड परिसरातील महाराणा प्रताप व्यापारी संकुलाचे उद्घाटन.११.१५ वा.छत्रपती शिवाजी महाराज नाट्य मंदिरात विविध संस्थांच्या सर्व साधारण सभा होतील. त्याप्रसंगी पाणीपुरवठा मंत्री गुलाबराव पाटील,मदत व पुनर्वसन मंत्री अनिल पाटील उपस्थितांना मार्गदर्शन करतील.
कार्यक्रमांना प्रमुख अतिथी म्हणून आ.राजेश पाडवी,आ.शिरीषकुमार नाईक,आ.किशोर दराडे, राष्ट्रवादी काँग्रेस पार्टीचे जिल्हाध्यक्ष डॉ.अभिजीत मोरे यांच्यासह मान्यवर उपस्थित राहणार आहेत. उपस्थितीचे आवाहन शिवसेनेचे संपर्कप्रमुख तथा माजी आमदार चंद्रकांत रघुवंशी यांनी केले आहे. पत्रकार परिषदेला कृषी उत्पन्न बाजार समितीचे सभापती विक्रमसिंह वळवी,माजी नगरसेवक कुणाल वसावे, शेतकी संघाचे चेअरमन बी.के पाटील उपस्थित होते.
विधायक समितीच्या शाळेला बाळासाहेबांचे नाव
नंदुरबार तालुका विधायक समितीच्या दोन शाळांचे बांधकाम करण्यात आलेले आहे. त्या शाळांना नामकरण करण्यात आलेले आहे.शेजवा ता.नंदूरबार येथील शाळेला बाळासाहेब ठाकरे माध्यमिक विद्यालय तर सुतारपाडा ता.नंदूरबार येथील शाळेला गोविंद सखाराम मराठे यांचे नाव देण्यात आलेले आहे. नामकरण सोहळा नाट्य मंदिरात पाणीपुरवठा मंत्री गुलाबराव पाटील, मदत व पुनर्वसन मंत्री अनिल पाटील यांच्या प्रमुख होईल अशी माहिती माजी आमदार चंद्रकांत रघुवंशी यांनी दिले
