अक्कलकुवा l प्रतिनिधी
समाजाच्या सर्वांगीण विकासासाठी तसेच समाजातील वेगवेगळ्या समस्या सोडविण्यासाठी
समाजातील सर्व घटकांनी गट तट व पक्ष भेद विसरुन एकत्र आलं पाहिजे असे प्रतिपादन विधान परिषदेचे सदस्य आमदार आमश्या पाडवी यांनी केले.
9 ऑगस्ट विश्व आदिवासी गौरव दिवस साजरा करण्यासाठी अक्कलकुवा पंचायत समितीच्या दिगंबरराव पाडवी सभागृहात विविध सामाजिक संघटनांच्या वतीने नियोजन बैठकीचे आयोजन करण्यात आले होते यावेळी आमदार आमश्या पाडवी बोलत होते.
बैठकीच्या अध्यक्षस्थानी आदिवासी महासंघाचे राष्ट्रीय अध्यक्ष डॉ. भरत वळवी हे होते तर प्रमुख पाहुणे म्हणुन आमदार आमश्या पाडवी, अक्कलकुवा पंचायत समितीचे गट विकास अधिकारी लालु पावरा, महासंघाचे सचिव बी.के.वसावे, शेतकरी सह संघाचे चेअरमन पृथ्वीसिंह पाडवी, किसन महाराज आदी प्रमुख पाहुणे म्हणून उपस्थित होते. बैठकीची सुरुवात याहामोगी मातेच्या प्रतिमेचे पुजन करुन करण्यात आले.बैठकीत किसन महाराज, पाडवी, बी.के.वसावे यांनी मनोगत व्यक्त केले.बैठकीत 9 ऑगस्ट विश्व आदिवासी गौरव दिवस साजरा करण्या सोबत तालुका व जिल्ह्यात आदिवासी गौरव सप्ताह साजरा करण्याचे ठरले.
या सप्ताहात वैचारिक कार्यक्रम, सांस्कृतिक कार्यक्रम तसेच विविध शाळांमध्ये कार्यक्रम करण्याचे नियोजन करण्यात आले. बैठकीला पंचायत समिती सदस्य जेका पाडवी, तुकाराम वळवी, माजी सरपंच राजेंद्र वसावे,, वसंत वसावे, विनोद वळवी,कुवरसिंग पाडवी, दशरथ वसावे, टेडग्या वसावे,राजू तडवी, जी.डी. पाडवी, रविंद्र पाडवी, अश्विन तडवी, वेस्ता पाडवी आदीं सह ग्रामस्थ मोठ्या संख्येने उपस्थित होते.
