हिंदू जनजागृतीच्या रणरागिणी शाखेच्या वतीने प्रतिमा पूजन करून शिवराज्याभिषेक दिन साजरा

नंदुरबार  l प्रतिनिधी

 प्रेरणा मंत्राचे पठण करीत आणि छत्रपती शिवरायांचा जयघोष करीत हिंदू जनजागृती समिती प्रणित रण रागिणी शाखेच्या वतीने  प्रतिमा पूजन करून 350 वा शिवराज्याभिषेक दिन करण्यात आला.

 हिंदू जनजागृती समितीच्या वतीने राष्ट्रपुरुषांच्या जयंतीदिनी असे उपक्रम घेऊन सातत्याने राष्ट्रप्रेम आणि राष्ट्रपुरुषांच्या कार्याविषयी जागृती घडविली जाते. त्या अंतर्गतच जुनी नगर पालिका बाहेरील शिव स्मारक येथे हे प्रतिमा पूजन अत्यंत उत्साहात करण्यात आले. या कार्यक्रमात प्रथम जितेंद्र मराठे यांनी प्रेरणा मंत्राचे पठण केले.

त्यानंतर डॉ. मनोज राज परदेशी यांच्या हस्ते प्रतिमा पूजन करून माल्य अर्पण करण्यात आले. सुमित परदेशी यांनी छत्रपती शिवाजी महाराज यांच्या हिंदू स्वराज्य विषयी माहिती दिली. त्यानंतर उपस्थित सर्वांनी हिंदुराष्ट्र स्थापनेची शपथ घेतली व अत्यंत उत्साहात छत्रपती शिवरायांचा जयघोष केला. जितेंद्र मराठे यांनी शेवटी सर्व उपस्थितांचे आभार मानले.