नंदुरबार l प्रतिनिधी
येथील हिंदु सेवा सहाय्य समितीच्या वतीने धर्मवीर छ. संभाजी महाराज यांच्या ज्येष्ठ शु. द्वादशीला तिथीप्रमाणे जयंती निमित्त १ जून रोजी प्रतिमा पूजन- अभिवादन कार्यक्रम शिवस्मारक येथे घेण्यात आला. त्याचप्रमाणे छ. शिवाजी महाराज यांच्या ३५० व्या शिवराज्याभिषेक दिन म्हणजे हिंदु साम्राज्य दिनानिमित्त प्रतिमा पूजन- अभिवादन सोहळा आणि शरबत वाटप कार्यक्रम आयोजन सुभाषबाबू चौकात घेण्यात आले.
कार्यक्रमाची सुरुवात महाराजांचा पूर्ण घोषणा आणि प्रेरणामंत्राने बाल धर्मसेवक विनायक राजपूत याने केली. यानंतर छत्रपती शिवाजी महाराज यांचा प्रतिमेचे पूजन आणि आरती शहर पोलीस निरीक्षक रविंद्र कळमकर यांच्या हस्ते करण्यात आली. याप्रसंगी हिंदु सेवा सहाय्य समितीचे धर्मसेवक नरेंद्र पाटील यांनी शिवराज्याभिषेक दिनाचे महत्त्व विशद करून सर्वांना धर्मकार्यात सहभागी होण्याचे आवाहन केले. यावेळी प्रमुख अतिथी पोलीस निरीक्षक रविंद्र कळमकर यांचा हस्ते नागरिकांना थंडगार ताक वाटप करण्यात आले.
याचा लाभ ६०० पेक्षा जास्त नागरिकांनी घेतला. सुत्रसंचालन आणि आभार प्रदर्शन राजू चौधरी यांनी केले. कार्यक्रमाला विविध हिंदुत्ववादी संघटनेचे कार्यकर्ते आणि शिवभक्त नागरिक उपस्थित होते. कार्यक्रम यशस्वीतेसाठी हिंदु सेवा सहाय्य समितीचे धर्मसेवक, शिवभक्त यांनी परिश्रम घेतले.
