छत्रपती संभाजी महाराजांची जयंती नाचून नाही तर वाचून साजरी करा-शिवचरित्रकार संजीव सोनवणे

नंदुरबार l प्रतिनिधी

तालुक्यातील सैताणे गावात छत्रपती संभाजी महाराजांच्या जयंतीनिमित्त दि.१५ मे रोजी सायंकाळी ठिक ८ वाजता शिवश्री.संजीव सोनवणे जळगावकर यांचे व्याख्यान श्रीराम सेना तरुण मित्र मंडळ सैताणे यांनी आयोजित केले होते.

कार्यक्रमाच्या अध्यक्षस्थांनी जि.प.सदस्य रनाळे गट भाऊसाहेब शिंत्रे तसेच प्रमुख अतिथी म्हणून शिवसेना जिल्हाप्रमुख राम रघुवंशी आणि सैताणे ग्रामपंचायत ग्रामसेवक राजेंद्र वाघ यांची उपस्थिती लाभली.कार्यक्रमाचे सुत्रसंचलन व प्रास्ताविक हर्षल पाटील यांनी केले. व्याख्यांनात शंभु चरित्रासोबत व्यसनमुक्ती यावर देखील शिवश्री सोनवणे यांनी यानिमित्ताने युवकांमध्ये सकारात्मक उर्जा निर्माण केली,

शंभुराजे अभ्यासतांना त्यांचे गुण आत्मसात करून आपले जीवन यशस्वी करावे असा मोलाचा सल्ला दिला.कार्यक्रमाच्या अध्यक्षीय भाषणात भाऊसाहेब शिंत्रे यांनी सकारात्मक व्याख्याने काळाची गरज आहे असे नमुद करून श्रीराम सेना तरुण मित्र मंडळाचे कौतुक केले.कार्यक्रमात आलेल्या मान्यवराचे आभार श्रीराम सेना तरुण मित्र मंडळाचे अध्यक्ष धनराज पाटील यांनी मानले.