चांदसैलीमार्गे धडगाव मिनीबस तातडीने सुरु करा :पहाडातील लोकप्रतिनिधींचे जिल्हाधिकाऱ्यांना निवेदन

नंदुरबार l प्रतिनिधी

धडगाव तालुका व मोलगी परिसरातील लाखो नागरिकांना जिल्हा मुख्यालयाचे ठिकाण नंदुरबार येथे जाण्यासाठी चांदसैली – तळोदा हाच मार्ग सर्वाधिक सोईस्कर आहे. परंतु या मार्गावर प्रवासाची शाश्वत सुविधाच नसल्यामुळे लाखो नागरिकांना शहादा व अक्कलकुवा मार्गे खर्चिक व वेळखाऊ प्रवास करावा लागत आहे. ही समस्या दूर करण्यासाठी बंद पडलेली व नवीन दोन धडगाव मिनीबस तातडीने सुरु करावी, अशी मागणी पहाडातील लोकप्रतिनिधींनी केली आहे.

           नंदुरबार जिल्ह्याचाच एक भाग असलेल्या धडगाव तालुका व मोलगी परिसरातील लाखो नागरिकांना प्रशासकीय व अन्य कामानिमित्त नंदुरबार या जिल्हा मुख्यालयाच्या ठिकाण जावेच लागते. नंदुरबार येथे जाण्यासाठी चांदसैली – तळोदा हाच मार्ग सर्वाधिक सोईस्कर ठरतो. परंतु या मार्गावर सुखरुप प्रवासाची शाश्वत सुविधाच नसल्यामुळे लाखो नागरिकांसमोर मोठ्या अडचणी निर्माण होत असल्याचे जिल्हाधिकाऱ्यांना दिलेल्या निवेदनात नमूद केले आहे.

       परिवहन महामंडळाच्या मिनीबसची सेवा दोन महिन्यांपासून बंद असल्याने असंख्य नागरिक व विद्यार्थ्यांना अक्कलकुवा अथवा शहादामार्गे खर्चिक शिवाय वेळखाऊ प्रवास करावा लागत आहे. वेळ व पैसा खर्च करूनही नागरिकांची कामे वेळेवर होत नाही. जिल्ह्याच्या मोठ्या जनसमुदायाच्या या समस्या सोडविण्यासाठी महोदयांनी तातडीने नंदुरबार ते धडगाव मिनीबसची सेवा (दोन फेऱ्या) पुर्ववत सुरू करावी. शिवाय मिनीबसच्याच तळोदा ते धडगाव नवीन दोन फेऱ्याही तातडीने सुरु कराव्या अशी मागणी करण्यात आली आहे. निवेदन देताना जि.प.सदस्य तथा गटनेते रतन पाडवी, कॉंग्रेसचे जिल्हा उपाध्यक्ष तथा जि.प.सदस्य सी.के.पाडवी, जि.प.सदस्य विजय पराडके, माजी जि.प.सदस्य सिताराम राऊत, माजी सरपंच केवजी पाडवी आदी उपस्थित होते.

 दृष्टीक्षेपात अंतर: