नंदूरबार l प्रतिनिधी
नंदुरबार तालुक्यातील काकर्दे येथे ग्रामपंचायत तर्फे क्रांतीज्योती सावित्रीआई फुले अभ्यासिकेचे लोकार्पण करण्यात आले.
सरपंच पुंडलिक मराठे यांनी विद्यार्थी विद्यार्थिनींना स्थानिक स्तरावर ग्रामपंचायत काकर्दे च्या मालकीची इमारत अभ्यासिकेसाठी उपलब्ध करून दिली. तरूणांना अभ्यासासाठी गावातच सुविधा व्हावी या हेतूने ग्रामपंचायत काकर्दे व्दारा हा लोकाभिमुख निर्णय घेण्यात आला. अभ्यासिकेचे उद्गाटन राकेश माळी, व रविंद्र बागुल यांनी केले.
यावेळी उपसंरपंच किरण मराठे, कांतिलाल ठाकरे, वैशाली महाजन, विमलाबाई महाजन,रेखाबाई माळी, हिराबाई माळी, कलाबाई भिल, सुरेखा पाडवी , सचिव ग्रामसेवक शरद गायकवाड, विठोबा माळी व अन्य सन्माननीय मान्यवरांची तसेच युवकांची मोठ्या प्रमाणावर उपस्थिती होती. अभ्यासासाठी अभ्यासिका सरपंच पुंडलिक मराठे यांनी उपलब्ध करून दिल्यामुळे ग्रामस्थांमध्ये समाधानाचे वातावरण दिसून आले.
