नंदूरबार l प्रतिनिधी
धडगांव येथील विद्युत वितरण कंपनीचे कार्यरत वरिष्ठ तंत्रज्ञला विद्युत वितरण कंपनीचे उपकार्यकारी अभियंता यांनी आदिवासी समाजाचा उल्लेख करत अश्लील शब्दाचा प्रयोग करत शिवीगाळ व निलंबना निषेधार्थ केल्याप्रकरणी तालुक्यातील सर्व पक्षीय व विविध आदिवासी सामाजिक संघटना यांच्या वतीने तहसील कचेरीवर भव्यमोर्चा काढण्यात आला.
यावेळी भिरता पावरा यांचे तात्काळ निलंबन रद्द करून मूळ नेमणूकीच्याच ठिकाणी नेमणूक आदेश देण्यात यावी.व संबंधित अभियंतावर अनुसूचित जातीजमाती अत्याचार प्रतिबंध अधिनियमाद्वारे गुन्हा नोंद करण्याची मागणी करण्यासाठी मोर्चेकर अधिक आक्रमक झाल्याने अखेर कार्यकारी अभियंता अमित शिवलकर यांनी १० दिवसात भिरता पावरा यांचे निलंबन रद्द करून त्यांच्या मूळ ठिकाणीच कामावर हजर करण्यात येईल अशी लेखी आश्वासन मोर्चेकऱ्यांना देण्यात आले.
व संबंधित अभियंता विरोधात अनुसूचित जाती जमाती प्रतिबंध अधिनियमाद्वारे ३ (१) आर,३(१) एस.५०४, ५०६ नुसार उशिरा धडगाव पोलीस स्टेशनला गुन्हा नोंदवण्यात आला. यामोर्चात विधानपरिषदचे आ.आमश्या पाडवी,किरसिंग वसावे,नगराध्यक्ष धनसिंग पावरा, जि.प सदस्य विजय पराडके, जिल्हा परिषद सदस्य गणेश पराडके,हारसिंग पावरा,रेहज्या पावरा, ॲड.बापू पावरा,दिलवर पावरा,नगरसेवक पुरुषोत्तम पावरा,रघुवीर पावरा, कल्याण पवारा,हेमंत पावरा, प्रविण पावरा,संदीप पावरा,छोटूपावरा,संजय पावरा, सह आदी उपस्थित होते.
भिरता पावरा यांचे निलंबन १० दिवसाच्या आत निलंबन मागे घेण्यात यावे अन्यथा सर्व पक्षीय जनता व आदिवासी संघटना पुन्हा रस्त्यावर उतरून धडगाव शहर बंद करण्यात येईल.
-विधान परिषद आ. आमश्या पाडवी —
