नंदूरबार l प्रतिनिधी
नंदूरबार तालुक्यातील उमर्दे खुर्द ग्रामपंचायत तर्फे शासनाच्या आदेशाप्रमाणे दिव्यांगांना पाच टक्के निधीतून जीवनाशक किटचे वाटप करण्यात आले. दिव्यांगांना दरवर्षाप्रमाणे पाच टक्के निधी उपलब्ध असल्याने ग्रामपंचायत उमर्दे खूर्दे यांनी सदर निधी दिव्यांगांना जीवनावश्यक साहित्याच्या स्वरूपात वाटप केला.
जिल्ह्यात दिव्यांगांना आपल्या अधिकारांचा लाभ देण्यात उमर्दे ग्रामपंचायत नेहमी पुढे राहिली आहे. गावातील दिव्यांग बांधवांना त्याचा लाभ मिळत आहे.प्रत्येक दिव्यांग व्यक्तींना बोलावणे करून लाभ दिला जाणे ही दिव्यांग लाभार्थ्यांसाठी न्यायाची बाब असल्याने गावातील एकूण 20 लाभार्थ्यांनी याबाबत समाधान व्यक्त केले आहे.
जीवनावश्यक साहित्याच्या किराणा किटचे वाटप सरपंच अरविंद ठाकरे,उपसरपंच सागर साळुंखे, ग्रामसेवक भारत गूले यांच्या हस्ते करण्यात आले. गावातून पाच टक्के निधीच्या लाभ देण्यात आल्याने दिव्यांग लाभार्थी तसेच ग्रामस्थांकडून समाधान व्यक्त करण्यात येत आहे.
