नंदुरबार l प्रतिनिधी
नंदूरबार तालुक्यातील कोळदा शिवारातील एका शेतात अज्ञात महिलेचा धारदार शस्त्राने खून करून शेतात फेकुन दिल्याची धक्कादायक घटना घडली आहे.याप्रकरणी अज्ञाताविरुध्द नंदूरबार तालुका पोलीस ठाण्यात गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, तालुक्यातील कोळदा शिवारातील नरोत्तम पाटील बाजरीच्या शेतात अनोळखी महिलेचा धारदार कटर च्या सहाय्याने अज्ञात कारणाने खून करून फेकुन दिला होता.दरम्यान ही बाब मजुराला कळतात त्यांनी पोलीस ठाण्याशी संपर्क केला.सदरची घटना १ मे रोजी सकाळी ११ वाजेच्या पूर्वी घडली.
या घटनेने परिसरात एकच खळबळ उडाली होती सदर घटना वाऱ्यासारखी पसरतात या घटनेची माहिती जिल्हा पोलिस अधीक्षक पी आर. पाटील यांना मिळताच तात्काळ तालुका पोलिस ठाण्याच्या पोलिसांना कळविण्यात आल्यानंतर पोलिसांनी तात्काळ घटनास्थळी दाखल होत घटनेचा पंचनामा केला आहे. यावेळी तसेच ठसे तज्ञांना पाचाराण करण्यात आले होते. यानंतर महिलेचा मृतदेह शवविच्छेदनासाठी जिल्हा रुग्णालयात पाठविण्यात आला.
या दरम्यान अप्पर पोलीस अधीक्षक निलेश तांबे, स्थानिक गुन्हा अन्वेषण शाखेचे पोलिस निरीक्षक किरण खेडकर , नंदुरबार तालुका पोलिस स्टेशनचे पोलीस निरीक्षक राहुलकुमार पवार, उपनगर पोलिस ठाण्याचे पोलिस निरीक्षक, आदी पोलीस कर्मचारी घटनास्थळी होते. याप्रकरणी ईश्वर दोध्या मोरे यांच्या फिर्यादवरून आज्ञाता विरुध्द नंदूरबार तालुका पोलीस ठाण्यात भादवी कलम ३०२ प्रमाणे गुन्हा दाखल करण्यात आला आहे.पुढील तपास पो. नि.राहुलकुमार पवार करीत आहेत.
