नंदुरबार l प्रतिनिधी
नंदूरबार कृषी उत्पन्न बाजार समितीसाठी निवडणूक प्रक्रिया पार पडत आहे. आज नंदुरबार कृषी उत्पन्न बाजार समितीसाठी मतमोजणी प्रक्रिया पार पडत आहे. यात पहिला निकाल जाहीर झाला असून हमाल मापाडी मतदार संघातून अपक्ष उमेदवार अशोक आरडे विजयी झाले.
तर व्यापारी मतदार संघात आ.चंद्रकांत रघुवंशी यांच्या गटाचे दोघे प्रकाश अवचित माळी २०३, गिरीश मदनलाल जैन २६८ मते मिळाल्याने ते विजयी झाले.
दरम्यान सोसायटी मतदार संघासाठी चुरशीची मतमोजणी सुरू असताना टेबल क्रमांक १ वर उमेदवारांना मिळालेले मतांचे २५ ,२५ चे गठ्ठे बनवण्यात आले होते.दरम्यान आ.चंद्रकांत रघुवंशी यांच्या उमेदवारांचे २५ मतांचे १४ गठ्ठे असताना कर्मचाऱ्यांनी नजर चुकीने १ गठ्ठा डॉ.गावीत यांच्या उमेदवारांच्या गठ्ठ्यात टाकले.ही बाब किशोर पाटील यांच्या लक्षात आली.त्यांनी कर्मचाऱ्यांच्या निदर्शनात ही बाब आणून दिली.यावेळी मोठा गोंधळ उडाला होता.अखेर पोलिसांनी यावेळी हस्तक्षेप करीत वाद शांत केला.
