शहादा l प्रतिनिधी
शहरात आज सकाळी नऊ वाजता विश्व हिंदू परिषद व बजरंग दलातर्फे रामजन्मोत्सव निमित्त दोंडाईचा रस्त्यावरील प्रेस मारुती मंदिरापासून भव्य मोटरसायकल रॅली काढण्यात आली.
मोटरसायकल रॅलीच्या शुभारंभ प्रसंगी विश्व हिंदू परिषदचे जिल्हा मंत्री विजय सोनवणे, शहादा नगरपालिका माजी गटनेते मकरंद पाटील, जिल्हा परिषद माजी कृषी सभापती अभिजीत पाटील, माजी नगरसेवक रवींद्र जमादार, बजरंग दलाचे व जिल्हा गौरक्षा समितीचे अध्यक्ष राजा साळी यांच्यासह असंख्य कार्यकर्ते उपस्थित होते.प्रथम खुल्या जीपमध्ये लावण्यात आलेल्या प्रभू श्रीरामाच्या प्रतिमेची व हनुमानची आरती करून मोटर सायकल रॅलीच्या शुभारंभ करण्यात आला.मोटर सायकल रॅली प्रभू श्रीरामाचे चित्र असलेले शेकडो मोटरसायकलींना भगवे झेंडे लावण्यात आलेले होते तर रॅलीच्या अग्रभागी असलेल्या खुल्या जीपमध्ये श्रीरामाची प्रतिमा ठेवण्यात आलेली होती.शेकडो राम भक्त मोटर सायकल रॅलीत सहभागी झाले होते.श्रीरामाच्या जयघोष करत होते.
मोटर सायकल रॅली प्रेस मारुती मंदिर पासून दोंडाईचा रस्ता शासकीय विश्रामगृह बसस्थानक डोंगरगाव रस्ता लोणखेडा,मलोनी पाडळदा चार रस्ता, खेतिया रस्ता मेनरोड, तूपबजार मार्गे शहीद लालदास चौक, श्रीराम मंदिराजवळ विसर्जित करण्यात आली.प्रभारी पोलीस निरीक्षक राजन मोरे यांच्या मार्गदर्शनाखाली पोलीस बंदोबस्त लावण्यात आलेला होता.मोटर सायकल रॅली पार पाडण्यासाठी बजरंग दलाचे लाला पाटील, गुड्डू पवार, विकी तांबोळी, सुभाष परदेशी यांच्यासह विश्व हिंदू परिषदेच्या कार्यकर्त्यांनी योगदान दिले.एकंदरीत मोटरसायकल रॅलीत राम भक्तांमध्ये कमालीच्या उत्साह होता.
