नवापूर | प्रतिनिधी
श्री राम जन्मोत्सव समिती नवापूर तर्फे भव्य रक्तदान शिबिरचे आयोजन नवापूर शहरातील टाऊन हॉल येथे घेण्यात आला.यावेळी ६०० च्यावर रक्तदात्यांनी रक्तदान केले.
रक्तदान शिबिराचे उद्घाटन महाराष्ट्र शासनाचे आदिवासी विकास मंत्री डॉ.विजयकुमार गावित यांच्याहस्ते प्रभू श्री राम यांच्या प्रतिमेचे पूजन करून करण्यात आले, याप्रसंगी प्रमुख अतिथी म्हणून वि.हि.प. नंदुरबार जिल्हा मंत्री विजयराव सोनवणे, सहमंत्री अजय कासार, तहसीलदार मंदार कुलकर्णी , नगरपालिकेचे मुख्याधिकारी स्वप्निल मुदलवाडकर ,माजी नगराध्यक्षा हेमलता पाटील, अनिल सुदाम पाटील,माजी उपनगराध्यक्ष प्रकाश पाटील, मनोज अग्रवाल, राजू गावित, सौ .नितु शर्मा हे उपस्थित होते.श्रीराम जन्मोत्सव समितीचे अध्यक्ष भरत गावित यांनी शहरात जन्मोत्सव निमित्त होणार्या विविध कार्यक्रमाची माहिती दिली व नवापूर शहरातील व तालुक्यातील नागरिकांना या उत्सवात सहभागी होण्याची विनंती केली.
मंत्री डॉ. विजयकुमार गावित यांनी उत्सवानिमित्त असे समाज उपयोगी सेवाकार्य आयोजित करण्यात यावे जेणेकरून जनतेला त्याच्या लाभ होईल असे नमूद करून श्री.राम जन्मोत्सवासाठी सर्वांना शुभेच्छा दिल्या . या रक्तदान शिबिरसाठी रक्त संकलन कामी जिल्हा रुग्णालय नंदुरबार, जनकल्याण रक्तपेढी नंदुरबार, तथा जनक हॉस्पिटलची रक्तपेढी व्यारा हे उपस्थित होते.समितीच्या सर्व सदस्यांनी संपूर्ण शहरात जनजागृती करून विविध वार्डात बैठक , प्रचार रॅली काढून नागरिकांना रक्तदान करण्यास प्रेरित केले.
सायंकाळी ७ वाजेपर्यंतचालणार्या या शिबिरात सायंकाळी ५ वाजे पर्यंत एकूण ६०० रक्तदात्यांनी रक्तदान केले असून अजून रक्तदान सुरू आहे.विशेष बाब म्हणजे शहराच्या व नंदुरबार जिल्ह्याच्या इतिहासात महिलांच्या रक्तदानासाठीची संख्या ही २०० च्यावर झाली आहे.रक्तदान शिबीर उद्घाटन कार्यक्रमाचे प्रास्ताविक किरण टिभे,सूत्रसंचालन महेंद्र पाटील,व आभार अनिल दुसाने यांनी मानले.
