नंदुरबार | प्रतिनिधी
राष्ट्रवादी कॉंग्रेसचे जिल्हाध्यक्ष डॉ. अभिजीत मोरे यांनी माझ्यावर विश्‍वास टाकत जिल्हा सचिवपदी माझी नियुक्ती केली होती.मात्र मला हे पद पेलवणार नाही व मी त्या पदाला न्याय देवु शकणार नाही असे सांगत राष्ट्रवादी जिल्हा सचिवपदाचा राजीनामा देत असल्याचे नितिन जगताप यांनी पत्र परीषदेत सांगीतले.
नंदुरबार येथे झालेल्या पत्र परीषदेत ते बोलत होत. मागील गेल्या काही काळात नंदुरबार शहर राष्ट्रवादी कॉंग्रेस पक्षाचे कार्य हे असमाधानकारक असल्याने, नंदुरबार जिल्हा राष्ट्रवादी कॉंग्रेस पक्षाचे जिल्हाध्यक्ष यांनी राष्ट्रवादीचे प्रदेशाध्यक्ष यांच्या सूचनेनुसार नंदुरबार शहर राष्ट्रवादीची कार्यकारणी ही बरखास्त केली होती. त्यामुळे आगामी काळात होणार्‍या निवडणुका व संघटनात्मक दृष्ट्या बदल घडवीत, नंदुरबार जिल्हा राष्ट्रवादी कॉंग्रेस पक्षाच्या जिल्हा सचिवपदी नितीन जगताप यांची तर नंदुरबार शहर राष्ट्रवादी कॉंग्रेस पक्षाच्या शहरअध्यक्षपदी नंदुरबार नगर पालिकेचे माजी प्रतोद मोहन रायभान माळी यांची नियुक्ती करण्यात आली होती.
दरम्यान नंदुरबार शहराध्यक्ष नितिन जगताप यांच्या सह कार्यकारीणी बरखास्त करण्यात आली होती.त्यांची जिल्हा सचिवपदी नियुक्ती करण्यात आली होती.आज नितिन जगताप यांनी पत्र परीषदेत राष्ट्रवादी कॉंग्रेसचे जिल्हाध्यक्ष डॉ. अभिजीत मोरे यांनी माझ्यावर विश्‍वास टाकत जिल्हा सचिवपदी माझी नियुक्ती केली होती.मात्र मला हे पद पेलवणार नाही व मी त्या पदाला न्याय देवु शकणार नाही असे सांगत राष्ट्रवादी जिल्हा सचिवपदाचा राजीनामा देत असल्याचे सांगीतले.
तसेच मी नंदुरबार शहरात काम करू इंच्छीत असल्याचे त्यांनी सांगीतले.तसेच आगामी नंदुरबार कृषि उत्पन्न बाजार समिती राष्ट्रवादी लढणार असुन मी.अथपा माझी पत्नी कुठल्याही परीस्थीतीत नंदुरबार नगरपालीकेची निवडणुक लढणार असल्याचे त्यांनी यावेळी स्पष्ट केले.
