नंदुरबार| प्रतिनिधी
नंदुरबार शहरातील जुनी सिंधी कॉलनीतील एका घरातून पोलीसांनी ३८ हजार १४० रूपये किंमतीचे गुटखा जप्त केला. याप्रकरणी एकाविरूध्द उपनगर पोलीस ठाण्यात गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, नंदुरबार शहरातील जुनी सिंधी कॉलनी परिसरात राहणार्या गागनदास धनवाणी याने त्याच्या राहत्या घरात मांडवी आरोग्यास अपायकारक परिणाम करणारा महाराष्ट्र प्रतिबंध असणारा विमल पान गुटखा घरात साठवणूक करून विक्री करतांना पोलीसांना आढळून आला. याप्रकरणी पोलीसांनी त्याच्या घरातून ३८ हजार १७० रूपये किंमतीचे ८६ विमल पान मसाला व झटपट, पानमसाल्याचे पाऊच ३०४ तंबाखूचे पाऊच पोलीसांनी जप्त केले. याप्रकरणी पोना सुनिल येलवे यांच्या फिर्यादीवरून उपनगर पोलीस ठाण्यात गागनदास त्रिलोकचंद धनवाणी याच्या विरूध्द भादंवि कलम १८६, १८८, २७२, २७३ सह अन्नसुरक्षा मानके अधि २००६ क २६, (२), (४), ३० (२) प्रमाणे गुन्हा दाखल करण्यात आला आहे. याप्रकरणी पुढील तपास पोसई प्रशांत राठोड करीत आहेत.
