शहादा l
लोणखेडा येथील पूज्य साने गुरुजी विद्या प्रसारक मंडळाच्या कला विज्ञान व वाणिज्य वरिष्ठ महाविदयालयात मायक्रोबायोलॉजी सोसायटी ऑफ इंडिया’ च्या स्टूडंट यूनिट म्हणजे सूक्ष्मजीवशास्त्र विभागात आंतरराष्ट्रीय सूक्ष्मजीव दिन उत्साहात साजरा करण्यात आला.
यानिमित्ताने ‘प्रोबायोटीक फूड’ प्रदर्शन व स्पर्धा आयोजित करण्यात आली होती. या स्पर्धेचे उद्घाटन महाविदयालयाचे उपप्राचार्य व कार्यक्रमाचे अध्यक्ष प्रा. डॉ. एम के. पटेल यांनी केले. 17 सप्टेंबर 1683 रोजी एन्टनी वून ल्यूवेनहाँक यांनी एक पेशीय सूक्ष्मजीव वर लिहिलेला शोध निबंध ‘रॉयल सोसायटी ऑफ लंडन’ ला सादर केला होता.
त्याच्या सन्मानार्थ हा दिवस ‘आंतरराष्ट्रीय सूक्ष्मजीव ‘दिन’ म्हणून साजरा केला जातो. या प्रसंगी कार्यक्रमाचे अध्यक्ष डॉ. एम. के. पटेल यांनी ‘प्रोबायोटीक फूड’ व त्याचे आरोग्यासाठी असलेले महत्त्व विद्यार्थ्यांना समजवून सांगितले.
या कार्यक्रमासाठी परिक्षक म्हणून ‘कॉलेज ‘ऑफ फार्मसी’ च्या प्राध्यापिका प्राची दुसाने यांनी सहकार्य केले. कार्यक्रमाचे नियोजन व सूत्रसंचलन विभाग प्रमुख डॉ. ए. एच्. जोबनपुत्रा यांनी केले. कार्यक्रमाच्या यशस्वीतेसाठी प्रा.डॉ आर. झेड. सय्यद, प्रा. रमाकांत माळी यांनी सहकार्य केले. स्पर्धेतील यशस्वी विद्यार्थ्यांचे मंडळाचे अध्यक्ष दिपक पाटील, उपाध्यक्ष जगदीश पाटील, सचिव श्रीमती कमलताई पाटील, समन्वयक, प्रा. मकरंद पाटील, प्राचार्य डॉ. आर. एस. पाटील यांनी अभिनंदन केले आहे.
