नंदुरबार l प्रतिनिधी
तालुक्यातील रनाळा शिवारातील शेतातून चोरट्यांनी ७५ हजार रुपये किंमतीचे लोखंडी पाईप चोरुन नेल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार येथील रमेश बुधा मोरे यांचे तालुक्यातील रनाळा शिवारात शेत आहे.
सदर शेतात चोरट्यांनी प्रवेश करुन सिलेंडरचा वापर करुन कटरच्या सहाय्याने ७५ हजार रुपये किंमतीचे लोखंडी पाईप कापून चोरुन नेले. याबाबत रमेश मोरे यांच्या फिर्यादीवरुन नंदुरबार तालुका पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे. पुढील तपास पोना.मनोज चव्हाण करीत आहेत.
