रिलायन्स इंडस्ट्रीज लिमिटेडची (आरआयएल) वार्षिक सर्वसाधारण सभा गुरुवारी (२४ जून) होत आहे. त्यामुळे या सभेत 5G स्मार्टफोनशी संबंधित मोठ्या घोषणा होण्याची शक्यता आहे. वार्षिक सभेनंतर रिलायन्सचा स्वस्त 5G स्मार्टफोनची घोषणा होऊ शकते. रिलायन्स जिओने 5G फोन लॉन्च करण्याची अधिकृत घोषणा केली नसली तरी याबाबत खात्रीपूर्वक माहिती मिळाली आहे. गेल्या वर्षी आरआयएलच्या बैठकीत स्वस्त 5G स्मार्टफोन लॉन्च करण्याची घोषणा केली गेली होती.
नवीन फोन हा कंपनीचा बजेट स्मार्टफोन असेल. रिलायन्स जिओचा 5G स्मार्टफोन गुगलच्या मदतीने बनवला जात आहे. फोनमध्ये अँड्रॉइड वन ऑपरेटिंग सिस्टम दिले जाऊ शकते. तसेच जिओ बुक लॅपटॉप आणि जिओ बुक लॉन्च होणे अपेक्षित आहे.
एका अहवालानुसार, जिओ 5G फोनला २.४ इंचाचा टीएफटी डिस्प्ले देण्यात येईल. त्याचे रिझोल्यूशन ३२०X२४० पिक्सल आहे. फोन ५१२ एमबी रॅम आणि ४ जीबी स्टोरेजसह येईल. या फोन मध्ये फोटोग्राफीसाठी कॅमेरा म्हणून फोनमध्ये २ एमपीचा रियर कॅमेरा दिला जाऊ शकतो.
सदर फोन ५००MB रॅम आणि ४ जीबी इनबिल्ट स्टोरेजसह देऊ केला जाऊ शकतो. प्रोसेसर म्हणून क्वालकॉम स्नॅपड्रॅगन ४८० 5G चा वापर केला जाऊ शकतो. पॉवर बॅकअपसाठी फोनमध्ये २०००mAh बॅटरी दिली जाऊ शकते. यूट्यूब आणि व्हॉट्सअॅप सारख्या सोशल मीडिया प्लॅटफॉर्मवर फोन प्री-लोड वैशिष्ट्यांसह दिले जाऊ शकते. सध्या Jio 5G फोनची किंमत जाहीर केलेली नाही. परंतु २५०० ते ५००० रुपयांच्या दरम्यान लॉन्च केले जाऊ शकते, असा अंदाज आहे.
